Mahuʻingaʻia ʻi he Niʻihi Kehé

Meʻa Naʻe Fai ʻe Sīsuú

VITIŌ: Sīsū mo e Fefine ʻi he Vaitupú

1. Sio ʻi he VITIOÓ, pe lau ʻa e Sione 4:​6-9. Fakakaukau leva ki he ongo fehuʻi ko ení:

1. a. Ko e hā naʻe fakatokangaʻi ʻe Sīsū fekauʻaki mo e fefiné ki muʻa ke ne kamataʻi ha fetalanoaʻakí?

2. e. Naʻe pehē ange ʻe Sīsū: “ʻOmi haku inu.” Ko e hā ko ha founga ola lelei ai eni ke kamataʻi ʻa e fetalanoaʻakí?

Ko e Hā ʻOku Tau Ako meia Sīsuú?

2. ʻOku ngalingali ange te tau maʻu ha fetalanoaʻaki lelei kapau te tau kamataʻaki ha kaveinga ʻoku mahuʻingaʻia ai ʻa e tokotahá.

Faʻifaʻitaki kia Sīsū

3. Hoko ʻo ngaofengofua. ʻOua ʻe tuʻukāivi ke kamataʻi ha fetalanoaʻaki ʻi ha kaveinga naʻá ke ʻosi teuteu. Kamataʻaki ha meʻa ʻoku fakakaukau ki ai ʻa e niʻihi kehé ʻi he ʻahó ni. ʻEke hifo:

1. a. ‘Ko e hā ʻa e ngaahi meʻa ʻoku ʻi he ongoongó?’

2. e. ‘Ko e hā ʻa e meʻa ʻoku talanoa ki ai hoku ngaahi kaungāʻapí, kaungāngāué pe kaungāakó?’

4. Hoko ʻo fakatokanga meʻa. ʻEke hifo:

1. a. ‘Ko e hā ʻa e ngāue ʻoku lolotonga fai ʻe he tokotahá? Ko e hā nai ʻa e meʻa ʻoku ʻi heʻene fakakaukaú?’

2. e. ‘Ko e hā ʻa e meʻa ʻoku fakahaaʻi mai ʻi he vala, fōtunga pe ko e ʻapi ʻo e tokotahá fekauʻaki mo ʻene tuí pe anga-fakafonuá?’

3. f. ‘Ko ha taimi lelei eni ke talanoa ai ki he tokotahá?’

5. Fanongo.

1. a. ʻOua ʻe lahilahi fakamatala.

2. e. Fakalototoʻaʻi ʻa e tokotahá ke fakahaaʻi mai ʻene fakakaukaú. ʻI he taimi feʻungamālié, ʻeke ha ngaahi fehuʻi.