Maʻá e Toʻutupú

Fakafisingaʻi ʻe Pita ʻa Sīsū

Ngaahi Fakahinohino: Fai ʻa e lau Tohi Tapu ko ení ʻi he ngaahi feituʻu lōngonoa. ʻI hoʻo lau ʻa e ngaahi konga Tohi Tapú, fakaʻuta atu ʻokú ke kau ʻi he meʻa ʻoku hokó. Sioloto atu ki he tuʻungá. Fanongo ki he ngaahi leʻó. ʻAi ke ke ongoʻi ʻa e ngaahi ongo ʻa e faʻahinga tefitó.

ʻANALAISO ʻA E TUʻUNGÁ.—LAU ʻA E MĀTIU 26:31-35, 69-75.

Ko e kakai ʻe toko fiha ʻokú ke fakaʻuta atu naʻa nau ʻi aí?

․․․․․

ʻOkú ke pehē ko e faʻahinga naʻe talanoa kia Pitá naʻa nau anga-fakakaumeʻa? huʻuhuʻu? ʻita? toe ongoʻi kehe?

․․․․․

ʻOkú ke pehē naʻe anga-fēfē ʻa e ongoʻi ʻa Pita ʻi hono tukuakiʻí?

․․․․․

Ko e hā naʻe fakafisingaʻi ai ʻe Pita ʻa Sīsuú? Ko e taʻeʻofa pe ko ha meʻa kehe?

․․․․․

FEKUMI LAHI ANGE.—LAU ʻA E LUKE 22:31-34; MĀTIU 26:55-58; SIONE 21:9-17.

Naʻe anga-fēfē nai ʻa e kaunga ʻa e falala tōtuʻa ʻa Pita kiate iá ki heʻene fehālaakí?

․․․․․

Naʻe anga-fēfē hono fakahāhā ʻe Sīsū ʻa e falala kia Pitá, neongo naʻá ne ʻiloʻi ʻe tūkia ʻi ha taimi ʻa Pita?

․․․․․

Neongo naʻá ne fakafisingaʻi ʻa Sīsū, ʻi he founga fē naʻe fakahaaʻi ai ʻe Pita ʻa e loto-toʻa lahi ange ʻi he kau ākonga kehé?

․․․․․

Naʻe anga-fēfē hono fakahaaʻi ʻe Sīsū naʻá ne fakamolemoleʻi ʻa Pita?

․․․․․

ʻOkú ke fakakaukau ko e hā naʻe ʻeke tuʻo tolu ai ʻe Sīsū kia Pita, ‘ʻOkú ke ʻofa kiate au?’

․․․․․

ʻOkú ke pehē naʻe anga-fēfē ʻa e ongoʻi ʻa Pita hili ʻene fetalanoaʻaki ko eni mo Sīsuú, pea ko e hā hono ʻuhingá?

․․․․․

NGĀUEʻAKI ʻA E MEʻA KUÓ KE AKÓ. TOHIʻI ʻA E MEʻA KUÓ KE AKO FEKAUʻAKI MO E . . .

Manavahē tangata.

․․․․․

Manavaʻofa ʻa Sīsū ki heʻene kau ākongá, naʻa mo e taimi naʻa nau fehālaaki aí.

․․․․․

Ko e hā ʻa e tafaʻaki ʻo e talanoá ni ʻoku mohu ʻuhinga kiate koé, pea ko e hā hono ʻuhingá?

․․․․․

․․․․․