Teuteu ʻa e Meʻa Kotoa Pē ki he Fakamanatú
Kuo tala ki he tokotaha kotoa pē, kau ai mo e tokotaha malangá ʻa e taimi mo e feituʻu pau ʻe fai ki ai ʻa e fakamanatú? ʻOku ʻilo ʻe he tokotaha malangá ko e polokalamá ʻoku totonu ke ʻoua ʻe toe laka hake ʻi he miniti ʻe 45?
Kuo vaheʻi ha taha ke ne ʻomai ʻa e maá mo e uainé (Sio ki he Watchtower ʻo Fepueli 15, 1990, peesi 16-18.) Kuo fai ha ngaahi fokotuʻutuʻu ki ha tēpile ke maau fakataha mo ha tupenu ʻufiʻufi tēpile maʻa pea mo ha ngaahi ipu sioʻata feʻunga mo ha ngaahi peleti?
Kuo fai ha fokotuʻutuʻu ke fakamaʻa ʻa e Kingdom Hall ki muʻa mo e ʻosi hono ngāueʻakí? Kuo vaheʻi ʻa e kau fakanofonofó mo e faʻahinga ke nau ʻave takai ʻa e maá mo e uainé? Kuo fai ha fakataha mo kinautolu ʻo fetalanoaʻaki lelei ki heʻenau ngāué? Ko e hā ʻa e founga ke muimui ai ke fakapapauʻi ʻoku malava ʻo tokangaʻi kotoa kinautolu?
Kuo fai ha ngaahi fokotuʻutuʻu ke tokoni ki he ngaahi tokoua mo e tuofāfine taʻumotuʻa mo vaivaí ke nau ʻi ai? Kapau ʻoku ʻi ai ha faʻahinga ʻo e kau paní ʻoku nau toka-mohenga pea ʻikai malava ke nau ʻi ai, kuo fai ha ngaahi fokotuʻutuʻu ke tokangaʻi kinautolu?