Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sune 15
“ʻIkai te ke loto-tatau ko hono akoʻi ʻa e fānaú ʻi he māmani fakaeonopooni he ʻaho ní ko ha meʻa faingataʻa ia? [Tuku ke ne tali.] Fakatokangaʻi ange ʻa e fakapapau ko eni ʻo pehē ʻe lava ke lavameʻa ʻa e ngaahi mātuʻá. [Lau ʻa e Palovepi 22:6.] Ko e ʻīsiu ko eni ʻo e Taua Leʻo ʻoku ʻomai ai ʻa e faleʻi ʻaonga ke tokoniʻi ʻa e ngaahi mātuʻá ke nau fetaulaki ai mo e tuʻunga faingataʻa ko ení.”
Awake! Sune 22
“ʻOku ongoʻi ʻe he niʻihi ʻoku taʻefakasaienisi ke tui ki he ʻOtuá. Ka naʻá ke ʻiloʻi ʻoku ʻi ai ʻa e kau faisaienisi ʻoku nau pehē ʻoku poupouʻi moʻoni ʻe he saienisí ʻa e tui ki he Tokotaha-Fakatupú? [Tuku ke ne tali.] Ko e ʻīsiu ko eni ʻo e Awake! ʻoku lāulea ai ki he niʻihi ʻo e fakamoʻoni ʻa ia kuó ne fakatupunga kinautolu ke aʻu ai ki he fakamulituku ko iá.” Lau ʻa e Loma 1:20.
Ko e Taua Leʻo Siu. 1
“ʻI he ngaahi taimi ʻo e mamahí, ʻoku fehuʻia ai ʻe he tokolahi pe ʻoku tokanga moʻoni mai ʻa e ʻOtuá fekauʻaki mo e kakaí mo fakatokangaʻi ʻenau faingataʻaʻiá. Kuó ke fifili ʻi ha taimi fekauʻaki mo e meʻa ko iá? [Tuku ke ne tali.] ʻOku lāulea ʻa e makasini ko ení ki he founga ʻoku fakahaaʻi ai ʻe he ʻOtuá ʻa e tokanga kia kitautolu he ʻaho ní mo e founga kuó ne tokonaki mai ai ʻa e makatuʻunga ki hono fakangata ʻa e faingataʻa kotoa pē.” Lau ʻa e Sione 3:16.
Awake! Siu. 8
“Ki he kakai tokolahi, ko e ngaahi taʻu hongofulu tupú ko ha taimi fakatouʻosi ia ʻo e fiefia mo e ngaahi faingataʻa, ʻikai te ke loto-tatau mo ia? [Tuku ke ne tali.] ʻOku lāulea ʻa e makasini ko ení ki he ngaahi liliu ʻoku fou ai ʻa e kau talavoú. ʻOkú ne toe sivisiviʻi ha faleʻi fakapotopoto ʻa ia ʻe lava ke ne tokoniʻi kinautolu ke nau ngāueleleiʻaki ai ʻa honau ngaahi taʻu hongofulu tupú.” Lau ʻa e Koheleti 12:2a (12:1, PM).