Meʻa ke Leaʻaki Fekauʻaki mo e Ngaahi Makasiní
Ko e Taua Leʻo ʻOka.-Tīs.
“Ko e kotoa ʻo kitautolú ʻoku tau hokosia ʻa e mamahi ʻo e mole ʻa e ngaahi ʻofaʻanga ʻi he maté. ʻI he ngaahi taimi peheé, ʻokú ke fakakaukau ʻe lava ke tokoni ʻa e Tohi Tapú? [Tuku ke ne tali. Pea lau leva ʻa e Sāme 55:22.] ʻOku lāulea ʻa e makasini ko ení ki he niʻihi ʻo e ngaahi pōtoʻi fekuki ʻaonga ʻoku lāulea ki ai ʻi he Tohi Tapú.”
ʻĀ Hake! ʻOka.-Tīs.
“ʻOku tuipau ʻa e tokolahi ko e mafana ʻa e māmaní ʻoku fakatuʻutāmaki ia ki he moʻui ʻi hotau foʻi palanité. ʻOkú ke fakakaukaú ʻe fēfē hano fakaleleiʻi ʻa e meʻá ni? [Tuku ke ne tali. Pea lau leva ʻa e Aisea 11:9.] ʻOku fakamatalaʻi ʻe he makasini ko ení ʻa e ʻuhinga ʻoku ʻikai toe fakaʻalongaua ai ʻa e hokohoko atu e tuʻu ʻa e foʻi māmaní ko ha ʻapi maʻá e faʻahinga ʻo e tangatá.”
Ko e Taua Leʻo ʻOka.-Tīs.
“ʻE lavangofua ke taʻelavameʻa ʻa e palani ʻa e tangatá, hangē ko ia kuo tau hokosiá. Kae kehe, ko ha meʻa pē ʻoku fakataumuʻa ki ai ʻa e ʻOtuá heʻikai ʻaupito taʻelavameʻa. [Lau ʻa e Aisea 46:10.] He mahuʻinga moʻoni ia ke ʻai ke fehoanaki ʻetau moʻuí mo e taumuʻa ʻa e ʻOtuá. Ko e kupu ʻoku kamata ʻi he peesi 11 ʻoku fakahaaʻi ai ʻa hono mahuʻinga ʻa e meʻá ni kia kitautolú.”
ʻĀ Hake! ʻOka.-Tīs.
“ʻOku ʻalu ke ʻosi ʻa e ngaahi meʻa ʻi he māmaní. Te tau nounou fakameʻatokoni, vai, naunau langa mo e loló? [Lau ʻa e Sāme 104:14, 15.] Kātaki lau ʻa e kupu ʻi he peesi 22 ke ʻiloʻi ai ʻa e founga ʻe fakapapauʻi ai ʻe he ʻOtuá ʻoku hanga ʻe he foʻi māmaní ʻo feau e fiemaʻu ʻa e toʻutangata ʻi he kahaʻú.”