Meʻa ke Leaʻaki Fekauʻaki mo e Makasiní

Ko e Taua Leʻo ʻOkatopa-Tīsema

“Koeʻuhi ʻoku ʻikai ke lea hangatonu mai ʻa e ʻOtuá kia kitautolu, ʻoku anga-fēfē ʻetau ʻiloʻi ʻa e meʻa ʻokú ne fiemaʻu meiate kitautolú? [Tuku ke ne tali.] ʻOku tau ʻilo ʻa e meʻa ʻoku fiemaʻu ʻe he ʻOtuá koeʻuhi ʻokú ne lea mai kia kitautolu fakafou heʻene folofola kuo tohí. Fakatokangaʻi ange ʻa e ʻaonga ʻo e Tohi Tapú. [Lau ʻa e 2 Timote 3:16. 17.] Ko ha fehuʻi lelei eni ke ʻeke: “ʻOku ou fakaʻatā ʻa e ʻOtuá ke lea mai kiate au?” Ko e kaveinga eni ʻo e fakamatala ʻoku kamata ʻi he peesi 13.”

ʻĀ Hake! Sanuali-Maʻasi

“ʻOku pau ke malanga hake ʻa e palopalema ʻi he fāmili kotoa pē. ʻOkú ke pehē ko fē ʻe lava ke hanga ki ai ʻa e fāmilí ke maʻu ha faleʻi alafalalaʻanga mo ʻaonga? [Tuku ke ne tali. Pea lau ʻa e Sāme 32:8.] Ko e tatau makehe ko eni ʻo e ʻĀ Hake! ʻoku ʻomai ai ʻa e tefitoʻi moʻoni Fakatohitapu papau ʻa ia ʻi hono ngāueʻakí, ʻe tokoni ia ki he ngaahi fāmilí.”

Ko e Taua Leʻo Sanuali-Maʻasi

“ʻOkú ke pehē ko e meʻa kotoa pē ʻoku akoʻi ʻi he ngaahi siasí ʻoku mei he Tohi Tapú? [Tuku ke ne tali.] ʻOku fakatokanga mai ʻa e Tohi Tapú ke tau tokanga ke ʻoua ʻe kākaaʻi kitautolu ʻe he loí. [Lau ʻa e Kolose 2:8.] ʻOku fakaeʻa ʻe he makasini ko ení ʻa e akonaki tukufakaholo ʻe ono ʻoku fepaki mo e Folofola ʻa e ʻOtuá.”

ʻĀ Hake! ʻOkatopa-Tīsema

Lau ʻa e 1 Sione 4:8. Pea pehē leva: “ʻOku tui ʻa e niʻihi ʻoku fakamamahiʻi taʻengata ʻe he ʻOtuá ʻa e fulikivanú ʻi ha afi ko heli. ʻOku ongoʻi ʻe he niʻihi ko e fakakaukau ko iá ʻoku ʻikai fehoanaki ia mo e meʻa kuó ta toki laú. Ko e hā hoʻo fakakaukaú? [Tuku ke ne tali.] ʻOku fakahā mai ʻi he kupu ko ení ʻa e meʻa ʻoku akoʻi ʻe he Tohi Tapú fekauʻaki mo e kaveingá.” Fakaʻaliʻali ʻa e kupu ʻoku kamata ʻi he peesi 10.