Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻo Siulai

“Ko e tokolahi kuo nau fifili ko e hā ʻa e taumuʻa ʻa e ʻOtuá ki he māmaní. ʻOkú ke fakakaukau ko e hā ʻa e taumuʻa ko iá? [Tuku ke ne tali.] Ko e veesi Tohi Tapu ko ení ʻokú ne ʻomai kia kitautolu ha kiʻi fakalika.” Lau ʻa e Sāme 115:16. ʻOange leva ki he tokotaha-ʻapí ha tatau ʻo e ʻīsiu ʻo Siulai-Sepitema ʻo e Taua Leʻo pea lau mo lāulea fakataha ki he fakamatala ʻi lalo he ʻuluaki kaveinga tokoni ʻi he peesi 16. Tuʻuaki e makasiní, pea fokotuʻutuʻu ke toe foki ʻo lāulea ki he tali ki he fehuʻi hokó.

Ko e Taua Leʻo ʻEpeleli-Sune

“Ko e kakai tokolahi ʻoku nau pipiki ki he ngaahi tui mafolalahia mo kehekehe fekauʻaki mo Sīsū. ʻOkú ke fakakaukau ʻoku mahuʻinga ke ʻilo ʻa e moʻoni fekauʻaki mo iá? [Tuku ke ne tali. Lau leva ʻa e Sione 17:3.] Ko e kupu ʻoku kamata ʻi he peesi 16 ʻoku fakamatalaʻi ai ʻa e meʻa ʻoku leaʻaki ʻe he Tohi Tapú fekauʻaki mo Sīsū—ko hai ia, ko e hā naʻá ne haʻu ai ki he māmaní, mo e ʻuhinga naʻá ne pekia aí.”

ʻĀ Hake! ʻEpeleli-Sune

“Koeʻuhi ko e Tohi Tapú ko ha tohi motuʻa, ko e kakai ʻe niʻihi ʻoku nau pehē ʻoku hala fakasaienisi. Ko e hā hoʻo fakakaukaú? [Tuku ke ne tali.] Ko e tokolahi ʻoku nau ʻohovale ʻi hono leaʻaki ʻe he Tohi Tapú ʻa e meʻá ni. [Lau ʻa e Aisea 40:22.] Ko e kupu ʻoku kamata ʻi he peesi 22 ʻoku tali ai ʻa e fehuʻi, ʻOku fehoanaki ʻa e saienisí mo e Tohi Tapú?”