Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Sune

“Ko e papitaisó ko ha tōʻonga anga-maheni ia ʻi he haʻohaʻonga ʻo e kau Kalisitiane tokolahi. Ko e hā hoʻo fakakaukau ki aí? ʻOku mahuʻinga ʻa e papitaisó? [Tuku ke ne tali.] ʻOku ʻomai ʻi he kupu ko ení ha ngaahi poini mahuʻinga.” ʻOange ki he tokotaha-ʻapí ʻa e Taua Leʻo ʻo ʻEpeleli-Sune, pea lāulea fakataha ki he fakamatala ʻi lalo ʻi he ʻuluaki kaveinga tokoni ʻi he peesi 16 pea mo e konga Tohi Tapu ʻe taha pe lahi ange. Tuʻuaki ʻa e ongo makasiní pea fokotuʻutuʻu ke toe foki ke lāulea ki he fehuʻi hono hokó.

Ko e Taua Leʻo ʻEpeleli-Sune

“ʻI he lahi fau ʻa e ngaahi fakakaukau kuo fakahaaʻi fekauʻaki mo Sīsuú pe ko hai ia, ʻoku ʻeke ai ʻe he tokolahi ‘ʻOku mahuʻinga moʻoni ʻa e meʻa ʻoku tau tui ki ai fekauʻaki mo iá?’ Ko e hā hoʻo fakakaukau ki he konga Tohi Tapu ko ení? [Lau ʻa e Sione 8:32.] ʻOku lāulea ki ha ngaahi fehuʻi ʻe niʻihi ʻi he makasini ko ení.”

ʻA Hake! ʻEpeleli-Sune

“ʻOku tau hokosia kotoa ʻa e ngaahi tuʻunga ʻokú ne fakahohaʻasi pea aʻu ʻo lava ke ne fakaʻitaʻi kitautolu. ʻE lava fēfē ke tau taʻofi ʻa e hoko eni kia kitautolú? Ko e fokotuʻu lelei ʻe taha ʻoku ʻomai ia ʻi he ʻEfesō 4:26. [Lau.] Ko e kupu ʻoku kamata ʻi he peesi 7 ʻoku ʻomai ai ʻa e ngaahi fokotuʻu ʻaonga ʻaupito.”