Fakaleleiʻi ʻEtau Pōtoʻi ʻi he Ngāue Fakafaifekaú​—Fakatoka ha Makatuʻunga ki ha Toe ʻAʻahi

ʻUHINGA ʻOKU MAHUʻINGA AÍ:

ʻOku tau loto ke fuʻifuʻi ʻa e ngaahi tenga ʻo e moʻoní naʻa tau toó. (1 Kol. 3:6) ʻI he taimi ʻoku tau maʻu ai ha taha ʻokú ne fakahāhā ha mahuʻingaʻia, ʻoku lelei ke tuku ha fehuʻi ʻe lava ke tau lāulea ki ai ʻi heʻetau toe fokí. ʻE langaʻi ai ʻene fakatuʻamelie ki ha toe fetalanoaʻaki pea ʻe fakafaingofuaʻi ai ʻetau teuteu ki he toe ʻaʻahí. ʻI heʻetau toe fokí, te tau tala ange ko ʻetau ʻi aí ke tali ʻa e fehuʻi naʻe ʻeke ʻi heʻetau ʻaʻahi fakamuimuí.

FOUNGA HONO FAI IÁ:

• ʻI hoʻo teuteu hoʻo tuʻuaki fale-ki-he-falé, fakakau ai ha fehuʻi ʻe lava ke ke ʻeke ʻi he ʻaʻahi hokó. Ko e fehuʻi ko iá ʻe lava ke maʻu ʻa e talí ʻi he tohi ʻokú ke tuʻuakí. Pe ko ha fehuʻi ko hono talí ʻoku maʻu ia ʻi heʻetau ʻū tohi ako ʻokú ke fokotuʻutuʻu ke fakaʻaliʻali ki ai ʻi hoʻo toe foki atú.

• ʻI he fakaʻosinga hoʻo fetalanoaʻaki mo e tokotaha mahuʻingaʻiá ʻai ke ne ʻiloʻi ʻokú ke fiefia ke toe talanoa mo ia ki he fehuʻi naʻá ke teuteú. ʻEke hono tuʻasilá kapau ʻoku malava.

• Kapau te ke tala ange ki ai te ke foki atu ʻi ha taimi pau, tauhi hoʻo leá.—Māt. 5:37.