ʻOkú Ke Ngāueʻaki ʻa e JW Library?

Ko e JW Library ko e free app ia (ko e polokalama) ʻokú ke lava ai ke hiki ʻa e Tohi Tapú pe ko ha ʻū tohi, vitiō, mo ha ngaahi polokalama hiki-leʻo ki hoʻo telefoni toʻotoʻó, tepiletí pe komipiutá.

FOUNGA KE MAʻU AÍ: Hū ki he ʻinitanetí, pea hiki ʻa e JW Library mei ha app store. ʻOku ala maʻu ʻa e app ʻi he meʻa fakaʻilekitulōnika kalasi kehekehe. ʻI hoʻo ʻi he ʻinitanetí, hū ki he app pea fili ʻa e meʻa ʻokú ke loto ke hiki ki hoʻo meʻa fakaʻilekitulōniká. Kapau ʻoku ʻikai malava ke ke hū ki he ʻinitanetí ʻi ʻapi, mahalo te ke lava ʻi he Fale Fakatahaʻangá, laipeli maʻá e kakaí pe ko ha faʻahinga feituʻu pē ʻe lava ke ke hū ai ki he ʻinitanetí. ʻI hono hiki pē ha tohi ki hoʻo meʻa fakaʻilekitulōniká ʻe ʻikai toe fiemaʻu ia ke ke hū ki he ʻinitanetí. Koeʻuhi ko e tānaki mai ha ngaahi tafaʻaki foʻou ki he JW Library, ʻoku fiemaʻu ke ke hū ki he ʻinitanetí ʻi he taimi kotoa pē ke install ʻa e app updates kapau ʻoku ala maʻu.

KO E HĀ KE MAʻU AI IÁ? Ko e JW Library ʻoku feʻungamālie ia ki he ako fakafoʻituituí pea muimui ʻi ai lolotonga ʻa e ngaahi fakataha ʻa e fakatahaʻangá. ʻOku toe tokoni ia ki he ngāue fakamalangá tautefito ʻi he faifakamoʻoni ʻi he founga ʻikai anga-mahení.