MOʻUI KO HA KALISITIANE
Tokoniʻi Ho Fāmilí ke Manatua ʻa Sihova
Naʻe fekau ʻa Selemaia ke fakatokanga ki he kau Siú ʻo fekauʻaki mo e fakaʻauha ʻoku tuʻunuku maí koeʻuhi ko ʻenau fakangaloʻi honau ʻOtuá ʻa Sihova. (Sel. 13:25) Naʻe anga-fēfē ʻa e aʻu e puleʻangá ki he tuʻunga fakalaumālie fakamamahi ko ení? Naʻe mole ʻa e tuʻunga fakalaumālie ʻo e ngaahi fāmili ʻIsilelí. ʻOku hā mahino naʻe ʻikai muimui ʻa e ngaahi ʻulu ʻo e fāmilí ki he tataki ʻa Sihova naʻe lēkooti ʻi he Teutalōnome 6:5-7.
Ko e ngaahi fāmili ʻoku mālohi fakalaumālié ʻoku tokoni ia ki he tuʻumaʻu ʻetau ngaahi fakatahaʻangá ʻi he ʻahó ni. Ko e ngaahi ʻulu ʻo e fāmilí ʻoku nau tokoni ki honau fāmilí ke nau manatua ʻa Sihova fakafou ʻi he polokalama Lotu Fakafāmili tuʻumaʻu mo mohu ʻuhinga. (Saame 22:27) Hili ʻa e sio ʻi he vitiō “These Words . . . Must Be on Your Heart”—Family Interviews, tali ʻa e ngaahi fehuʻi ko ení:
ʻI he founga fē ʻoku lavameʻa ai ʻa e ngaahi fāmili ʻe niʻihi ʻi he fehangahangai mo e ngaahi pole anga-maheni ʻo e lotu fakafāmilí?
Ko e hā ʻa e ngaahi tāpuaki ʻe niʻihi ʻi hono tauhi ha polokalama Lotu Fakafāmili tuʻumaʻu mo mohu ʻuhinga?
ʻI he fai ʻa e lotu fakafāmilí, ko e hā ʻa e ngaahi pole ʻoku ou fehangahangai mo iá, pea ʻi he founga fē te u fekuki ai mo iá?