Moʻui ke Fakahīkihikiʻi ʻa Sihova!

Ko e moʻuí ko ha meʻaʻofa mahuʻinga. Ko e founga ʻoku tau ngāueʻaki ai ʻa e meʻaʻofá ni ʻi he ʻaho taki taha ʻoku fakahaaʻi ai ʻa e lahi ʻo ʻetau houngaʻia aí. ʻI he tuʻunga ko e Kau Fakamoʻoni ʻa Sihová, ʻoku tau feinga ke ngāueʻaki hotau talēnití mo ʻetau ngaahi malavá ke fakalāngilangiʻi mo fakaʻapaʻapaʻi ʻa Sihova, ko e Tokotaha Foaki-Moʻuí. (Saame 36:9; Fkh. 4:11) Neongo ia, ko e ngaahi loto-moʻua ki he moʻui fakaʻaho ʻi he māmani fulikivanu ko ení ʻoku malava ngofua ke ne tekeʻi ki mui ʻa e tuli ki he meʻa fakalaumālié. (Mk. 4:18, 19) ʻOku lelei ki he tokotaha taki taha ʻo kitautolu ke ne ʻeke hifo: ‘ʻOku ou ʻoatu moʻoni ʻeku lelei tahá kia Sihova? (Hōs. 14:2) ʻOku taki au ʻe heʻeku ngāué ki fē? Ko e hā ʻeku ngaahi taumuʻa fakalaumālié? ʻE lava fēfē ke u fakalahi atu ʻeku ngāue fakafaifekaú?’ Kapau ʻokú ke sio ki ha tafaʻaki ke fakaleleiʻi, lotu kia Sihova ki ha tokoni pea fai ʻa e ngaahi feʻunuʻaki ʻoku fiemaʻú. ʻOku ʻikai ha veiveiua ko hono fakahīkihikiʻi ʻa Sihova ʻi he ʻaho taki tahá ʻoku taki atu ia ki he moʻui fiemālie mo fiefia!—Saame 61:8.

SIO ʻI HE VITIŌ NGĀUEʻAKI HO TALĒNITÍ MAʻA SIHOVA, PEA TALI LEVA ʻA E NGAAHI FEHUʻI KO ENÍ:

• Ko e hā ʻoku taʻefakapotopoto ai ke ʻoatu ho ngaahi talēnití ki he māmani ʻo Sētané? (1 Sio. 2:17)

• Ko e hā ʻa e ngaahi tāpuaki ʻoku haʻu ki he faʻahinga ʻoku nau ʻoatu ʻenau lelei tahá kia Sihová?

• ʻI he tafaʻaki fē ʻo e ngāue toputapú ʻe lava ke ke pole ai ke ngāueʻaki ho ngaahi talēnití mo ho ngaahi pōtoʻí?