KOLOA MEI HE FOLOFOLA ʻA E ʻOTUÁ | SIONE 5-6
Muimui ʻIa Sīsū Fakataha mo e Fakaueʻiloto Totonu
ʻI hono fai ʻe Sīsū ha talanoa fakatātā naʻe faingataʻa ke mahinoʻi ʻe he kau ākongá, naʻe tūkia ʻa e niʻihi pea ʻikai ke nau kei ʻaʻeva mo ia. ʻI he ʻaho ʻe taha ki muʻá, naʻá ne fafangaʻi fakaemana kinautolu, ʻo fakapapauʻi ai ko hono mālohí mei he ʻOtuá. Ko ia ko e hā naʻa nau tūkia aí? Ngalingali ko e fakaueʻiloto ki heʻenau muimui kia Sīsuú naʻe fai ʻi he siokita. Naʻa nau feohi pē mo Sīsū ki he lelei fakamatelie.
ʻOku totonu ke tau taki taha ʻeke hifo: ‘Ko e hā ʻoku ou muimui ai ʻia Sīsuú? Koeʻuhí pē ko e ngaahi tāpuaki he lolotongá ni mo e kahaʻú? Pe koeʻuhi ʻoku ou ʻofa ʻia Sihova mo u loto ke fakahōifuaʻi ia?’
Ko e hā te tau tūkia ai kapau ko ʻetau tauhi pē kia Sihová ʻi he ongo ʻuhinga ko ení?
ʻOku tau fiefia ʻi he feohi mo e kakai ʻa e ʻOtuá
ʻOku tau loto ke tau moʻui ʻi Palataisi