Ko e ʻOfá ʻOkú Ne Fakaʻilongaʻi ʻa e Kau Kalisitiane Moʻoní​—Fiefia ʻi he Moʻoní

ʻUHINGA ʻOKU MAHUʻINGA AÍ: ʻI he faʻifaʻitaki kia Sīsuú, kuo pau ke tau faifakamoʻoni ki he moʻoni ʻo fekauʻaki mo e taumuʻa ʻa e ʻOtuá. (Sione 18:37) Kuo pau ke tau fiefia ʻi he moʻoní, leaʻaki ʻa e moʻoní, pea tokanga ki he ngaahi meʻa ʻoku moʻoní, neongo ʻa e nofo ʻi ha māmani ʻoku fonu ʻi he loi mo e taʻemāʻoniʻoni.—1 Kol. 13:6; Fil. 4:8.

FOUNGA HONO FAI IÁ:

• Fakapapauʻi ke ʻoua ʻe fanongo pe fakamafola ʻa e ngaahi lau fakatupu maumaú.—1 Tes. 4:11

• ʻOua ʻe fiefia ʻi he tō ha taha ki ha fakatamaki

• Fiefia ʻi he meʻa ʻoku leleí, ngaahi meʻa ʻoku fakatupu langa haké

SIO ʻI HE VITIŌ “MAʻU ʻA E ʻOFÁ ʻI HOMOU LOTOLOTONGÁ”—FIEFIA, ʻIKAI ʻI HE TAʻEMĀʻONIʻONÍ, KA ʻI HE MOʻONÍ, PEA TALI LEVA ʻA E NGAAHI FEHUʻI KO ENÍ:

• ʻI he founga fē naʻe hoko ai ʻa Tepi ʻo “fiefia ʻi he taʻemāʻoniʻoní”?

• Naʻe anga-fēfē hono ofeʻi ʻe ʻAlisi ʻa e talanoa mo Tepí ki ha talanoa lelei?

• Ko e hā ʻa e ngaahi meʻa lelei ʻe niʻihi ʻe lava ke tau talanoa ʻo fekauʻaki mo ia?