“Folofua ʻa e Vaitafe” ʻe he Māmaní

ʻI he kotoa ʻo e hisitōliá, kuo tokoni ai ʻa e kau maʻu mafai fakaemāmaní ki he kakai ʻa Sihová. (ʻĒsela 6:1-12; ʻĒseta 8:10-13) Naʻa mo e ʻahó ni, kuo tau sio ai ki he “māmaní”—ko e ngaahi ʻelemēniti ʻo e fokotuʻutuʻu ko eni ʻo e ngaahi meʻá ʻoku nau toe fakaʻatuʻi ange—ʻokú ne folofua “ʻa e vaitafe” ʻo e fakatanga ʻoku fakatupunga ʻe he “talākoní,” ʻa Sētane ko e Tēvoló. (Fkh. 12:16) Ko Sihova ko e “ʻOtua ia ʻo e fakamoʻui,” te ne ueʻi nai ʻi ha taimi ʻa e kau pule fakaetangatá ke tokoni ki hono kakaí.—Saame 68:20; Pal. 21:1.

Fēfē kapau ʻe tuku pilīsone koe koeʻuhi ko hoʻo tuí? ʻOua naʻa ngalo ʻoku vakai hifo ʻa Sihova kiate koe. (Sēn. 39:21-23; Saame 105:17-20) Fakapapauʻi ʻe fakapaleʻi koe ki hoʻo tuí pea ko hoʻo anga-tonú ʻokú ne fakalototoʻaʻi ʻa e fanga tokoua ʻi māmani lahí.—Fil. 1:12-14; Fkh. 2:10.

SIO ʻI HE VITIŌ ʻATĀ MEI PILĪSONE ʻA E FANGA TOKOUA ʻI KŌLEÁ, PEA TALI LEVA ʻA E NGAAHI FEHUʻI KO ENÍ:

• Ko e hā naʻe tuku pōpula ai hotau fanga tokua ʻi Kōlea Tonga ʻi he ngaahi taʻu kuo maliu atú?

• Ko e hā ʻa e fili ʻa e fakamaauʻangá naʻe iku ai ke fakaʻatā ki muí ni mai hotau fanga tokouá?

• ʻE lava fēfē ke tau tokoni ki hotau fanga tokoua takatakai ʻi he māmaní ʻoku lolotonga tuku pilīsone koeʻuhi ko ʻenau tuí?

• ʻE lava fēfē ke tau ngāueʻaki ha tauʻatāina pē ʻoku tau maʻu he taimí ni?

• Ko hai naʻe tupu mei ai ʻa e ngaahi ikuna ʻi he fakamaauʻangá?