“Ko e Kotoa ʻo e Māmaní Naʻe Hokohoko Atu ʻEnau Lea Tahá”

11:1-4, 6-9

Naʻe fakamovetevete ʻe Sihova ʻa e faʻahinga talangataʻa ʻi Pēpelí ʻaki ʻene ʻai ke puputuʻu ʻenau leá. ʻI he ʻahó ni ʻokú ne fakatahatahaʻi ha fuʻu kakai tokolahi mei he ngaahi puleʻanga mo e ngaahi lea pea ʻoange kiate kinautolu ha “lea maʻa” kae lava ke nau “ui kotoa ki he huafa ʻo Sihová, ke tauhi kiate ia ʻi he uma ki he uma.” (Sēf. 3:9; Fkh. 7:9) Ko e “lea maʻa” ko ení ko e moʻoni ia fekauʻaki mo Sihova pea mo ʻene ngaahi taumuʻá ʻoku maʻu ʻi he Tohi Tapú.

Ke ako ha lea foʻou ʻoku kau ki ai ʻa e meʻa lahi ange ʻi hono ako maʻuloto pē ʻa e leá. ʻOku kau ki ai ʻa e ako ki he anga ʻo e fakakaukau ʻi he lea ko iá. ʻI he founga meimei tatau, ʻi heʻetau ako ʻa e lea maʻa ʻo e moʻoní, ʻoku liliu ai ʻa e anga ʻo ʻetau fakakaukaú. (Loma 12:2) Ko e ngāue hokohoko ko ení ʻoku tau hoko ai ʻo fāʻūtaha ʻi he lotolotonga ʻo e kakai ʻa e ʻOtuá.—1 Kol. 1:10.