Fakatātaaʻi ʻa e Poini Tefitó

ʻI he fai ha ngaahi toe ʻaʻahi pe fakahoko ha ako Tohi Tapu, ʻoku fiemaʻu ke tau tokoniʻi ʻetau kau fanongó ke nau mahinoʻi ʻa e ngaahi poini tefitó. ʻI hono fakatātaaʻi ʻa e ngaahi poini ko ení ʻoku lava ai ke ueʻi honau lotó pea tokoniʻi kinautolu ke manatuʻi ʻa e ngaahi poini ko iá.

ʻI hoʻo teuteu ki ha toe ʻaʻahi pe ako Tohi Tapú, filifili ʻa e ngaahi poini tefito ʻokú ke loto ke fakatātaaʻí ʻo ʻikai ko e ngaahi fakaikiikí. Ngāueʻaki leva ʻa e ngaahi fakatātā faingofua ʻo makatuʻunga ʻi he moʻui fakaʻahó. (Māt. 5:14-16; Mk. 2:21; Luke 14:7-11) Fakapapauʻi ke fakakaukau ki he puipuituʻa mo e ngāue fakaʻaho ʻa e tokotaha te ke lea ki aí. (Luke 5:2-11; Sione 4:7-15) ʻI hoʻo sio ki heʻene fiefia koeʻuhí ko ʻene mahinoʻi ʻa e poiní te ke toe fiefia foki.

SIO ʻI HE VITIŌ HOKOSIA ʻA E FIEFIA ʻI HE NGAOHI ĀKONGÁ​—FAKALELEIʻI HOʻO PŌTOʻÍ​—FAKATĀTAAʻI ʻA E POINI TEFITÓ, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻoku fiemaʻu ai ʻe he kau akó ha tokoni ke mahinoʻi ha veesi Tohi Tapu?

• 

  Ko e hā ʻa e fakatātā naʻe ngāueʻaki ʻe Nita ke akoʻi ʻa e poini tefito ʻi he Loma 5:12?

• 

  Ko e hā ʻa e ʻaonga hono ngāueʻaki ʻa e ngaahi fakatātā ola leleí?

• ʻI heʻetau ngāue fakafaifekaú ko e hā ʻoku totonu ke tau ngāueʻaki ai ʻa e ʻū vitioó mo e ngaahi meʻangāue fakafaiako kehe ʻoku tokonaki mai ʻe he kautaha ʻa Sihová?