Tali ʻa e Tokoni mei he Kaungāngāué

ʻOku tokonaki mai ʻe Sihova ʻa e haʻohaʻonga kotoa ʻo hotau fanga tokouá mo e fanga tuofāfiné ko ha tokoni kiate kitautolu. (1 Pita 5:9) ʻE lava ke nau tokoniʻi kitautolu ke tau lavameʻa ʻi hono ikuʻi ha ngaahi pole pē ʻi he ngāue fakamalangá. Ko e fakatātaá, naʻe maʻu ʻaonga ʻa e ʻapositolo ko Paulá mei he tokoni ʻa ʻAkuila, Pīsila, Sailosi, Tīmote mo e niʻihi kehé.​—Ngā. 18:1-5.

ʻE lava fēfē ke tokoniʻi koe ʻe ho kaungāngāué ʻi he ngāue fakamalangá? Te nau ʻoatu nai ha fokotuʻu lelei ki he founga ke ikuʻi ai ha fakafepaki, ke fai ha toe ʻaʻahi pe ko hono tuʻuaki pe fakahoko ha ako Tohi Tapu. Fakakaukau ki ha taha ʻi hoʻo fakatahaʻangá ʻe lava ke ne tokoniʻi koe peá ke kole ia ki ai. Ko hono moʻoní te mo fakatou maʻu ʻaonga mei ai pea ʻe tokoni ia ke mo hoko ʻo fiefia ai.​—Fil. 1:25.

SIO ʻI HE VITIŌ HOKOSIA ʻA E FIEFIA ʻI HE NGAOHI ĀKONGÁ​—TALI ʻA E TOKONI ʻA SIHOVÁ​—HOTAU FANGA TOKOUÁ, PEA TALI LEVA ʻA E NGAAHI FEHUʻI KO ENÍ:

• 

  Naʻe anga-fēfē hono fakalototoʻaʻi ʻe Nita ʻa Lose ke ne maʻu ʻa e fakatahá?

• 

  Ko e hā ʻoku totonu ai ke tau fakaafeʻi ʻa e kau malanga kehé ki heʻetau ngaahi ako Tohi Tapú?

• 

  Ko e hā ʻa e meʻa naʻe fakatou saiʻia ai ʻa Lose mo ʻApikalé?

• Ko e hā ʻa e ngaahi pōtoʻi ʻi he ngāue fakamalangá ʻe lava ke ke ako mei ho kaungāngāué?