“Ko e ʻOfá ʻOku . . . ʻAmanaki ʻi he Meʻa Kotoa Pē”

ʻOku ueʻi kitautolu ʻe he ʻofa taʻesiokitá ke tau ʻamanaki ʻe fai ʻe hotau fanga tokouá ʻa e ngaahi fili ʻoku leleí. (1 Kol. 13:4, 7) Ko e fakatātaá, kapau ʻe fai ʻe ha tokoua ha angahala pea akonakiʻi ia, ʻoku tau ʻamanaki te ne fai ha feinga ke tali ʻa e akonakí pea fai ha fakatonutonu. ʻOku tau anga-kātaki ki he faʻahinga ʻoku vaivai ʻi he tuí pea ʻoku tau feinga ke tokoniʻi kinautolu. (Loma 15:1) Kapau ʻoku mavahe ha taha mei he fakatahaʻangá ʻoku ʻikai ke siva ai ʻetau ʻamanakí, ʻe ʻi ai pē ʻa e ʻaho te ne toe foki mai ai.​—Luke 15:17, 18.

SIO ʻI HE VITIŌ MANATUʻI ʻA E TŌʻONGA ʻA ʻOFÁ​—ʻOKU ʻAMANAKI ʻI HE MEʻA KOTOA PĒ, PEA TALI LEVA ʻA E NGAAHI FEHUʻI KO ENÍ:

• ʻI he founga fē naʻe liliu ai ʻa e mateaki ʻa ʻĀpiná?

• Naʻe anga-fēfē fakafeangai ʻa Tēvita mo Sioape ki he kole ʻa ʻĀpiná?

• Ko e hā ʻoku totonu ai ke tau ʻamanaki ʻe fai ʻe hotau fanga tokouá ha ngaahi fili lelei?