Nofo Malí​—Ko ha Hoa Mali Tuʻuloa

Ko e ngaahi nofo mali faka-Kalisitiane lavameʻá ʻoku fakalāngilangiʻi ai ʻa Sihova pea ʻoange ai ʻa e fiefia ki he husepānití mo e uaifí. (Mk. 10:9) Ke kātekina pea maʻu ha nofo mali fiefia, kuo pau ki he kau Kalisitiané ke nau ngāueʻaki ʻa e ngaahi tefitoʻi moʻoni Fakatohitapú ʻi hono fili ha hoa mali.

ʻOku fakapotopoto ke ke toki faikaumeʻa ʻi hoʻo “mahili atu mei he tuʻunga ʻo e kei talavoú,” ko ha taimi ia ‘oku mālohi ai ‘a e holi ki he fehokotaki fakaesinó ʻo faingataʻa ai ke ke fai ha ngaahi fili fakapotopoto. (1 Kol. 7:36) Ngāueʻaki fakapotopoto ho taimi teʻeki malí ke fakaivimālohiʻi ho vahaʻangatae mo e ʻOtuá pea fakatupulekina ʻa e ngaahi ʻulungaanga faka-Kalisitiané. Te ke malava leva ai ke fai ʻa e meʻa lahi ange ke ʻai hoʻo nofo malí ke lavameʻa.

Ki muʻa ke fai ha felotoi ke mali mo ha tokotaha, vaheʻi ha taimi lahi ke hoko ʻo ʻiloʻi lelei “ʻa e tangata fufū ʻo e lotó.” (1 Pita 3:4) Kapau ʻoku kamata ke ke ongoʻi veiveiua talanoa ki ai mo e tokotaha ʻokú ke te u mali mo iá. ʻI he hangē ko e vahaʻangatae mo e niʻihi kehé, ko e nofo malí ʻoku totonu ke ke tokanga lahi ange ki he meʻa ʻoku lava ke ke foaki ki ho hoa malí ʻi he meʻa te ke maʻu maí. (Fil. 2:3, 4) Kapau ʻokú ke ngāueʻaki ʻa e ngaahi tefitoʻi moʻoni Fakatohitapú ki muʻa ʻi he nofo malí, te ke fakatoka ai ha fakavaʻe lelei ki ha nofo mali fiefia.

SIO ʻI HE VITIŌ TEUTEU KI HE NOFO MALI​—KONGA 3: “FIKAʻI ʻA E FAKAMOLÉ,” PEA TALI LEVA ʻA E NGAAHI FEHUʻI KO ENÍ:

• Naʻe anga-fēfē ʻa e tupulaki ʻa e kaumeʻa ʻa e tuofefiné mo Salé?

• Ko e hā naʻe fakatokangaʻi ʻe he tuofefiné ʻi he hokohoko atu ʻena faikaumeʻá?

• Naʻe anga-fēfē hono tokoniʻi ia ʻe heʻene ongo mātuʻá, pea ko e hā ʻa e fili fakapotopoto naʻá ne faí?