Langa Hake ʻa e Falala ki he Mālohi Faifakahaofi ʻo Sihová

Lau ʻa e Nōmipa 13:25–14:4 ke sio ki he founga naʻe ʻikai ke falala ai ʻa e kau ʻIsilelí kia Sihová.

Sivisiviʻi ʻa e potutohí. Ko e hā naʻe totonu ai ke maʻu ʻe he kau ʻIsilelí ʻa e tuipau ki he malava ʻa Sihova ke fakahaofi kinautolu ʻi heʻenau mavahe mei ʻIsipité? (Saame 78:​12-16, 43-53) Ko e hā naʻe mole ai ʻenau falala kia Sihová? (Teu. 1:​26-28) Ko e hā ʻa e faʻahinga falala naʻe fakahāhā ʻe Siosiua mo Kēlepi kia Sihová?—Nōm. 14:​6-9.

Keli loloto ange. Ko e hā naʻe lava ke fai ʻe he kau ʻIsilelí ke fakalahi ʻenau falala pau kia Sihová? (Saame 9:10; 22:4; 78:11) Ko e hā ʻa e felāveʻi ʻi he falala kia Sihová mo e fakaʻapaʻapa kiate iá?—Nōm. 14:11.

ʻIloʻi ʻa e ngaahi lēsoní. ʻEke hifo:

• ‘Ko e hā ʻa e ngaahi tuʻunga ʻe lava ke ne ʻahiʻahiʻi ʻeku falala kakato kia Sihová?’

• ‘ʻE lava fēfē ke u fakaivimālohiʻi ʻeku falala pau kia Sihová ʻi he taimí ni pea ʻi he kahaʻú?’

• ‘Ko e hā ʻa e falala pau ʻoku ou maʻu ʻi he fakaofiofi mai ʻa e fuʻu mamahi lahí?’—Luke 21:​25-28.