Fakamatala ‘i Lalo

a Ko e mālohi ʻo e pamu ʻo e totó ʻoku fuaʻaki ia ʻa e mamaʻó, ʻi he milimita, ʻo ʻene hanga ʻo hikiʻi hake ha kōlomu ʻo e meakuli. Ko e mālohi ʻo e pamu ʻo e totó ʻi ʻolunga mo laló ʻa ia ʻoku fakatupunga ʻe he tā mo e fakamolū ʻa e mafú ʻoku ui ia ko e mālohi sisitōliki mo e taiasitōliki. ʻOku kehekehe eni ʻi he tokotaha kotoa tuʻunga ʻi honau taʻú, fefine pe tangata, mafasia fakaʻatamai mo e fakasino, pea mo e ongosiá. Ko e mālohi ʻa e pamu ʻo e totó ʻoku hehema ia ke māʻulalo ange ʻi he kakai fefiné ʻi he kakai tangatá, māʻulalo ange ʻi he fānaú, pea māʻolunga ange ʻi he kau taʻumotuʻá. Neongo ʻe kiʻi kehekehe nai ʻa e ngaahi fakakaukaú, ko ha tokotaha kei talavou moʻuilelei ʻe lau nai hono fuá mei he milimita meakuli sisitōliki ʻe 100 ki he 140, pea milimita taiasitōliki ʻe 60 ki he 90.