Fakamatala ‘i Lalo

a ʻOku ngāueʻaki ʻe he ngaahi Tohitapu ʻe niʻihi ʻa e foʻi lea “māmani” kae ʻikai ko e “ngaahi meʻa ʻo e fokotuʻutuʻu.” ʻOku pehē ʻe he Expository Dictionary of New Testament Words ʻa W. E. Vine ko e foʻi lea faka-Kalisi ko e ai·onʹ “ʻoku ʻuhinga ki ha vahaʻa taimi ʻoku ʻikai pau hono fuoloá, pe ko ha taimi ʻoku vakai ki ai ʻi he fekauʻaki mo e meʻa ʻoku hoko ʻi he vahaʻa taimí.” Ko e Greek and English Lexicon to the New Testament ʻa Parkhurst (peesi 17) ʻoku fakakau ai ʻa e kupuʻi lea ko e “ngaahi meʻa ʻo e fokotuʻutuʻu ko ʻeni” ʻi hono fakamatalaʻi ʻa hono ngāueʻaki ʻo e ai·oʹnes (pulula) ʻi he Hepelū 1:2. Ko ia ʻoku fetāiaki ʻa hono fakalea ko e “ngaahi meʻa ʻo e fokotuʻutuʻu” mo e muʻaki konga tohi faka-Kalisí.