Fakamatala ‘i Lalo

g Mei he taimi ko ʻení ʻo faai mai, ʻoku ui ai ʻa Saula ko Paula. Kuo fakahuʻunga ʻe he niʻihi ʻo pehē naʻá ne ohi mai ʻa e hingoa faka-Loma ko ʻení ko hono fakalāngilangiʻi ʻo Sēsio Paulo. Kae kehe, ko e moʻoniʻi meʻa ko ia ʻo ʻene kei tauhi ʻa e hingoa Paulá ʻo aʻu ki heʻene mavahe mei Saipaló ʻoku tuhu ia ki ha fakamatala kehe ia​—ko Paulá, ʻa ia “ko ha ʻapositolo . . . ki he ngaahi puleʻangá,” naʻá ne fili ʻe ia mei he taimi ko iá ʻo faai mai ke ngāueʻaki ai pē ʻa hono hingoa faka-Lomá. Naʻá ne toe ngāueʻaki foki nai ʻa e hingoa Paulá koeʻuhí ko e puʻaki faka-Kalisi ko ia ʻo hono hingoa faka-Hepeluú, ʻa e Saulá, ʻoku meimei tatau tofu pē ia mo ha foʻi lea faka-Kalisi ʻa ia naʻe ʻi ai hono ʻuhinga kovi.​—Loma 11:13.