Fakamatala ‘i Lalo

c Ko ha hala ʻeni naʻe fai ʻe he niʻihi ʻo e ngaahi siasi ʻo Puleʻanga-Haʻa-Kalisitiané. Ko e Kau Lūteló ko ha hingoa fakatenetene ia naʻe ʻai ʻe he ngaahi fili ʻo Martin Luther ki hono kau muimuí, ʻa ia naʻa nau ohi mai ai pē ia. Pehē foki, naʻe ohi mai ai pē ʻe he Kau Lotu Papitaisó ʻa e hingoa fakatenetene naʻe ʻai kiate kinautolu ʻe he faʻahinga mei tuʻá koeʻuhi naʻa nau malangaʻi ʻa e papitaiso ʻaki hono fakaukú. ʻI he tuʻunga meimei tatau pē, naʻe ohi mai ai pē ʻe he Kau Metotisí ha hingoa naʻe ʻai kiate kinautolu ʻe ha taha mei tuʻa. ʻI he fekauʻaki mo e hoko ʻa e Sōsaieti ʻo e Ngaahi Kaumeʻá ʻo ui ko e Kau Kueiká, ʻoku pehē ʻe he World Book Encyclopedia: “Ko e foʻi lea ko e Quaker [Kueika] naʻe ʻuluaki fakataumuʻa ia ko ha fakaʻaluma kia Fox [ko e tokotaha fokotuʻu ʻo ia], ʻa ia naʻá ne tala ki ha fakamaau Pilitānia ke ‘manavahē tetetete ki he Folofola ʻa e ʻEikí.’ Naʻe ui ai ʻe he fakamaaú ʻa Fox ko ha ‘kueika [tokotaha tetetete].’”