Fakamatala ‘i Lalo

a Ko e taha ʻi he ngaahi ngāue tefito ʻa e laumālie ʻo e ʻOtuá ki he kau Kalisitiane ʻi he ʻuluaki senitulí, ko hono pani kinautolu ʻo nau hoko ko e ngaahi foha ohi fakalaumālie ʻo e ʻOtuá mo e ngaahi tokoua ʻo Sīsū. (2 Kolinitō 1:​21, 22) ʻOku tuku tauhi ʻeni ki he toko 144,000 pē ʻo e kau ākonga ʻa Kalaisí. (Fakahā 14:​1, 3) ʻI he ʻahó ni kuo foaki anga-ʻofa ki he fuʻu tokolahi kāfakafa ʻo e kau Kalisitiané ʻa e ʻamanaki ʻo e moʻui taʻengata ʻi ha māmani palataisi. Neongo naʻe ʻikai ke pani kinautolu, ka ʻoku nau maʻu foki ʻa e tokoni mo e fakafiemālie ʻa e laumālie māʻoniʻoni ʻo e ʻOtuá.