Fakamatala ‘i Lalo

a Ko e kau Kalisitiane ʻe niʻihi ʻoku ngāue ʻi he ngaahi falemahakí naʻe pau ke nau fakakaukau ki he moʻoniʻi meʻa ko ʻeni fekauʻaki mo e mafaí. ʻOku maʻu nai ʻe ha toketā ha mafai ke tuʻutuʻuni ki he ngaahi faitoʻo pe ki he ngaahi ngāue fakafaitoʻo ki ha tokotaha-mahaki. Neongo kapau naʻe ʻikai taʻeloto ki ai ʻa e tokotaha-mahakí, ʻe lava fēfē ʻe ha toketā Kalisitiane maʻu mafai ke ne tuʻutuʻuni ha huhu toto pe fai ha fakatōtama, heʻene ʻilo ʻa e meʻa ʻoku leaʻaki ʻe he Tohitapú fekauʻaki mo e ngaahi meʻa peheé? ʻI hono kehé, ko ha neesi ʻoku ngāue ʻi he falemahakí ʻoku ʻikai nai te ne maʻu ha mafai pehē. ʻI heʻene fakahoko ʻa e ngaahi founga ngāue tuʻumaʻú, ʻe fekau nai ia ʻe ha toketā ke ne fakahoko ha sivi toto ki ha faʻahinga taumuʻa, pe ke tokangaʻi ha tokotaha-mahaki naʻe haʻu ke fai ha fakatōtama. ʻI he fehoanaki mo e fakatātā ʻoku hiki 2 Tuʻi 5:​17-19, te ne fakaʻosiʻaki nai ʻo pehē koeʻuhi ʻoku ʻikai ko ia ʻa e tokotaha ʻoku maʻu mafai ʻa ia ʻoku tuʻutuʻuni ki ha huhu totó pe ko hono fakahoko ha fakatōtamá, ʻe lava pē ke ne fakahoko ʻa e ngāue maʻá e kakaí ki ha tokotaha-mahaki. Ko hono moʻoní, kuo pau ke ne kei fakakaukau ki hono konisēnisí, koeʻuhi ‘ke ʻataʻatā ʻaupito hono konisenisí ki he ʻOtuá.’​—Ngāue 23:1.