Fakamatala ‘i Lalo

a ʻI hono taukapoʻi ʻa e Puleʻanga ʻo e ʻOtuá, ʻoku ʻikai ke kau ʻa e Kau Fakamoʻoni ʻa Sihová ʻi he ngaahi meʻa fakapolitikí pe fakaʻaiʻai ʻa e angatuʻu ki he ngaahi founga-pule fakaemāmaní, naʻa mo e ʻi he ngaahi fonua ʻoku tapui pe fakatangaʻi ai ʻa e Kau Fakamoʻoní. (Taitusi 3:1) ʻI hono kehé, ʻoku nau feinga ke fai ha tokoni ʻaonga, fakalaumālie mo ʻikai fakapolitikale ʻi he founga ʻa ē naʻe fai ʻe Sīsū mo ʻene kau ākonga ʻi he ʻuluaki senitulí. ʻOku feinga ʻa e Kau Fakamoʻoní ke tokoniʻi ʻa e kakai ʻoku hehema ki he māʻoniʻoní ʻi honau ngaahi feituʻu kehekehé ke ohi ʻa e ngaahi meʻa mahuʻinga lelei faka-Tohitapú, hangē ko e ʻofa fakafāmilí, faitotonú, maʻa fakaeʻulungāngá pea mo ha tefitoʻi moʻoni fakaengāue lelei. ʻI he tuʻunga tefitó, ʻoku nau feinga ke akoʻi kinautolu ki he founga ke muimui ai ʻi he ngaahi tefitoʻi moʻoni faka-Tohitapú pea ke hanga ki he Puleʻanga ʻo e ʻOtuá ko e ʻamanakiʻanga moʻoni pē ia ki he faʻahinga ʻo e tangatá.