Fakamatala ‘i Lalo

a Fēfē kapau ko e kiʻi pēpē ʻi manavá ʻoku tamele, pe fēfē kapau ʻoku tō ha ngaahi ʻemipiliō lahi? Ko hono fakangata ʻosi fakakaukauʻi ha feitama ʻe hangē ia ha fakatōtamá. ʻI he IVF, ʻoku lahi ʻa e ngaahi feitama lōlahí (māhanga ua, māhanga tolu, pe lahi ange) ʻo ʻomi ai ʻa e ngaahi fakatuʻutāmaki lahi ange, hangē ko e ngaahi fāʻele taʻehoko mo e tālaú. Ko ha fefine ʻokú ne fata ha ngaahi pēpē lahi ʻi manava ʻe fakaʻaiʻai ia ke fakakaukau ke “fili fakasiʻisiʻi,” ʻo fakaʻatā ai ha taha pe lahi ange ʻo kinautolu ke tāmateʻi. Ko e fakatōtama ʻosi fakakaukauʻi ia, ʻa ia ʻoku tatau ia mo e fakapō.—ʻEki. 21:22, 23; Saame 139:16