Fakamatala ‘i Lalo

a ʻOku faingataʻa ke maʻu ha kakai māʻoniʻoni ʻi he māmani fulikivanu ko ení. Neongo ia, ʻoku muimui ʻa e laui miliona he ʻahó ni ʻi ha ʻalunga māʻoniʻoni. ʻOku ʻikai ha veiveiua ʻokú ke kau ai. ʻOkú ke tuli ki he ʻalunga ko iá koeʻuhi ʻokú ke ʻofa kia Sihova, pea ʻoku ʻofa ʻa Sihova ʻi he māʻoniʻoní. ʻE lava fēfē ke tau fakatupulekina ʻa e ʻofa ki he ʻulungaanga fakaʻofoʻofa ko ení? ʻE lāulea ʻa e kupu ko ení ki he ʻuhinga ʻo e māʻoniʻoní pea mo e founga ʻoku tau maʻu ʻaonga mei he ʻofa aí. Te tau toe lāulea ki he ngaahi sitepu ʻe lava ke tau fou ai ke fakaivimālohiʻi ʻetau ʻofa ki he ʻulungaanga ko ení.