Fakamatala ‘i Lalo

a Naʻe ngāueʻaki ʻe Tinitale ʻa e sipela “Iehouah” ʻi heʻene liliu ʻo e ʻuluaki tohi ʻe nima ʻo e Tohi Tapú. ʻI he faai mai ʻa e taimí, naʻe maliuliu ʻa e lea faka-Pilitāniá, pea naʻe ʻai ai ʻa e sipela ʻo e huafa fakaʻotuá ke fakaonopooni. Ko e fakatātaá, ʻi he 1612 naʻe ngāueʻaki ai ʻe Henry Ainsworth ʻa e sipela “Iehovah” ʻi he kotoa ʻo ʻene liliu ʻa e tohi Sāmé. ʻI heʻene fakaleleiʻi ʻa e liliu ko iá ʻi he 1639, naʻá ne ngāueʻaki ai ʻa e sipela “Jehovah.” ʻI he tuʻunga meimei tatau, ko e kau liliu-lea ko ia naʻa nau faʻu ʻa e liliu Tohi Tapu ko e American Standard Version ʻi he 1901, naʻa nau ngāueʻaki ʻa e sipela “Jehovah” ʻi he feituʻu naʻe hā ai ʻa e huafa fakaʻotuá ʻi he tatau faka-Hepeluú.