Siosiua
12 Pea ko e ongo tuʻi eni ʻo e fonua ʻa ia naʻe ikunaʻi ʻe he kau ʻIsilelí, ʻa ia ko hona fonuá ē naʻa nau maʻu ʻi he tafaʻaki fakahahake ʻo Sioataní, mei he Teleʻa*+ ʻAlanoní ʻo aʻu ki Moʻunga Heamoni+ pea mo e ʻAlapá kotoa ʻa e tafaʻaki fakahahaké:+ 2 Ko Tuʻi Sīhoni+ ʻo e kau ʻĀmolí, ʻa ia naʻe nofo ʻi Hesiponi pea naʻe pule mei ʻAloeli,+ ʻa ia naʻe ʻi he veʻe Teleʻa* ʻAlanoní.+ Ko hono fonuá naʻe kamata mei he loto teleʻá. Naʻá ne puleʻi ʻa e vaeua ʻo Kiliati ʻo aʻu ki he Teleʻa* Siapokí, ʻa e kauʻāfonua ʻo e kau ʻĀmoní. 3 Naʻá ne pule foki ki he tafaʻaki fakahahake ʻo e ʻAlapá ʻo aʻu ki he Tahi Kineletí*+ pea aʻu ki he Tahi ʻo e ʻAlapá, ʻa e Tahi Māsimá,* ʻa hono tafaʻaki fakahahaké ʻo huʻu ki Pete-sisimoti, pea ki he tongá ʻi lalo ʻi he ngaahi tahifo ʻo Pisikaá.+
4 Pehē foki ki he feituʻu ʻo Tuʻi ʻOki+ ʻo Pēsaní, ʻa ia ko e taha ia ʻi he faʻahinga fakamuimui taha ʻo e kau Lifaimí+ pea naʻá ne nofo ʻi ʻAsiteloti mo ʻEtilei 5 peá ne pule ʻi Moʻunga Heamoni, ʻi Salika, pea ʻi Pēsani+ kotoa, ʻo aʻu ki he kauʻāfonua ʻo e kau Kēsulí mo e kau Māká,+ mo e vaeua ʻo Kiliati, ki he feituʻu ʻo Tuʻi Sīhoni ʻo Hesiponí.+
6 Ko Mōsese ko e sevāniti ʻa Sihová pea mo e kau ʻIsilelí naʻa nau ikunaʻi kinaua,+ ʻi he hili iá naʻe foaki ʻe Mōsese ko e sevāniti ʻa Sihová honau fonuá ko ha tofiʻa ki he haʻa Lūpení, mo e haʻa Katá, pea mo e vaeua ʻo e matakali ʻo Manasé.+
7 Ko e ngaahi tuʻi eni ʻo e fonua ʻa ia naʻe ikunaʻi ʻe Siosiua mo e kau ʻIsilelí ʻi he tafaʻaki fakahihifo ʻo Sioataní, mei Pēali-kata+ ʻi he Teleʻa ʻo Lepanoní+ ʻo aʻu ki Moʻunga Halaki,+ ʻa ia ʻoku hanga atu ki Seiá,+ pea ʻi he hili iá naʻe foaki ʻe Siosiua honau fonuá ki he ngaahi matakali ʻo ʻIsilelí ko hanau tofiʻa ʻo fakatatau ki honau ʻinasí,+ 8 ʻi he feituʻu moʻungaʻiá, ʻi he Sefelaʻá,* ʻi he ʻAlapá, ʻi he ngaahi tahifó, ʻi he toafá, pea ʻi he feituʻu Nīkepí+—ʻa e fonua ʻo e kau Hetí, ko e kau ʻĀmolí,+ ko e kau Kēnaní, ko e kau Pēlisí, ko e kau Heví, pea mo e kau Siepusí:+
9 Ko e tuʻi ʻo Sielikoó,+ ko e taha ia; ko e tuʻi ʻo ʻAí,+ ʻa ia naʻe ʻi he tafaʻaki ʻo Pētelí, ko e taha ia;
10 ko e tuʻi ʻo Selusalemá, ko e taha ia; ko e tuʻi ʻo Hepeloní,+ ko e taha ia;
11 ko e tuʻi ʻo Siamutí, ko e taha ia; ko e tuʻi ʻo Lākisí, ko e taha ia;
12 ko e tuʻi ʻo ʻEkeloní, ko e taha ia; ko e tuʻi ʻo Kēselí,+ ko e taha ia;
13 ko e tuʻi ʻo Tepilí,+ ko e taha ia; ko e tuʻi ʻo Ketelí, ko e taha ia;
14 ko e tuʻi ʻo Hoamá, ko e taha ia; ko e tuʻi ʻo ʻĀlatí, ko e taha ia;
15 ko e tuʻi ʻo Līpiná,+ ko e taha ia; ko e tuʻi ʻo ʻAtulamí, ko e taha ia;
16 ko e tuʻi ʻo Maketá,+ ko e taha ia; ko e tuʻi ʻo Pētelí,+ ko e taha ia;
17 ko e tuʻi ʻo Tapuá, ko e taha ia; ko e tuʻi ʻo Hēfelí, ko e taha ia;
18 ko e tuʻi ʻo ʻĒfekí, ko e taha ia; ko e tuʻi ʻo Lasaloní, ko e taha ia;
19 ko e tuʻi ʻo Matoní, ko e taha ia; ko e tuʻi ʻo Hāsoá,+ ko e taha ia;
20 ko e tuʻi ʻo Similoni-mēloní, ko e taha ia; ko e tuʻi ʻo ʻAkisafí, ko e taha ia;
21 ko e tuʻi ʻo Tanaká, ko e taha ia; ko e tuʻi ʻo Mekitó, ko e taha ia;
22 ko e tuʻi ʻo Kētesí, ko e taha ia; ko e tuʻi ʻo Siokenamí+ ʻi Kāmeli, ko e taha ia;
23 ko e tuʻi ʻo Toʻá ʻi he ngaahi tahifo ʻo Toʻá,+ ko e taha ia; ko e tuʻi ʻo Koimí ʻi Kilikali, ko e taha ia;
24 ko e tuʻi ʻo Tilisá, ko e taha ia; ko hono fakakātoá ko e tuʻi ʻe 31.