-
ʻOku Pule ʻa e Puleʻanga ʻo e ʻOtuáʻIlo ʻA Ia ʻOku Taki Atu ki he Moʻui Taʻengatá
-
-
9 ʻI he founga meimei tatau, ʻoku fakapapauʻi mai ʻe Sihova kiate kitautolu ʻa e moʻoni ʻo e Puleʻangá. Hangē ko ia kuo fakahā ʻi he tohi Hepeluú ʻi he Tohitapú, naʻe tomuʻa fakatātaaʻi mai ʻe he ngaahi tafaʻaki lahi ʻo e Laó ʻa e fokotuʻutuʻu ʻo e Puleʻangá. (Hepelū 10:1) Ko e ngaahi vakai tōmuʻa ʻo fekauʻaki mo e Puleʻanga ʻo e ʻOtuá naʻe toe hā ia ʻi he puleʻanga fakamāmani ʻo ʻIsilelí. Ko e founga-pule ko iá naʻe makehe, he ko hono kau pulé naʻa nau nofo “ʻi he taloni ʻo Sihova.” (1 Kalonikali 29:23) ʻIkai ko ia pē, naʻe ʻosi tala ki muʻa: “Ko e sepita meia Siuta ʻe ʻikai ʻave, mo e tokotoko mei hono vahaʻa vaʻe, kaeʻoua ke haʻu ʻa Sailo, pea ʻe fai kiate ia ʻe he [ngaahi] kakai ʻenau tukulolo.” (Sēnesi 49:10)a ʻIo, ko e laine hohoko ko ʻeni ʻo e ngaahi tuʻi Siutá naʻe pau ke ʻaloʻi mai ai ʻa Sīsū, ko e Tuʻi tuʻumaʻu ʻo e founga-pule ʻa e ʻOtuá.—Luke 1:32, 33.
-
-
ʻOku Pule ʻa e Puleʻanga ʻo e ʻOtuáʻIlo ʻA Ia ʻOku Taki Atu ki he Moʻui Taʻengatá
-
-
a ʻOku ʻuhinga ʻa e hingoa Sailó “Ko Ia ʻOku ʻAʻana Iá; Ko Ia ʻOku Kau ki Ai ʻa e Meʻa ko Iá.” ʻI he faai atu ʻa e taimí, naʻe hoko ʻo hā mahino ko e “Sailo” ko Sīsū Kalaisi, “ko e Laione ʻoku mei he matakali ʻo Siuta.” (Fakahā 5:5) Naʻe hanga ʻe he niʻihi ʻo e ngaahi liliu faka-Siu ko e Targum ʻo fetongi ʻaki pē ʻa e foʻi lea “Sailo” ʻa e “Mīsaia” pe “tuʻi Mīsaia.”
-