• Fakafiemālie ki he Faʻahinga ʻOku Faingataʻaʻiá
    Ko e Taua Leʻo—2003 | Sanuali 1

    • Naʻe ʻikai fakatupu ʻe he ʻOtuá ʻa e tangatá ke faingataʻaʻia. ʻI hono kehé, naʻá ne ʻoange ki he ʻuluaki ongo meʻa fakaetangatá, ʻa ʻĀtama mo ʻIvi, ʻa e ʻatamai mo e sino haohaoa, teuteuʻi ha ngoue fakaʻofoʻofa ke hoko ko hona ʻapi, pea ʻoange kia kinaua ʻa e ngāue mohu ʻuhinga mo fakafiemālie. (Senesi 1:​27, 28, 31; 2:8) Kae kehe, ko ʻena fiefia hokohokó naʻe fakatuʻunga ia ʻi heʻena ʻiloʻi ʻa e tuʻunga-pule ʻa e ʻOtuá mo ʻene totonu ke fili ʻa e meʻa naʻe leleí mo ia naʻe koví. Ko e fekau fakaʻotua ko iá naʻe fakafofongaʻi ia ʻe ha fuʻu ʻakau naʻe ui “ko e ʻAkau ʻo e ʻIlo-ʻo-e-lelei-mo-e-kovi.” (Senesi 2:17) ʻE fakahāhā ʻe ʻĀtama mo ʻIvi ʻena moʻulaloa ki he ʻOtuá kapau naʻá na talangofua ki heʻene fekau ke ʻoua te na kai mei he ʻakau ko iá.a

  • Fakafiemālie ki he Faʻahinga ʻOku Faingataʻaʻiá
    Ko e Taua Leʻo—2003 | Sanuali 1

    • a ʻI heʻene fakamatala ʻi lalo ki he Senesi 2:​17, ʻoku fakamatala ai ʻe he The Jerusalem Bible “ko e ʻilo ʻa e leleí mo e koví” ʻi he tuʻunga “ko e mālohi ʻo e fili . . . ʻo e meʻa ʻoku leleí mo e meʻa ʻoku koví pea ngāue ʻo fakatatau ki aí, ko ha taukaveʻi ia ʻa e tauʻatāina kakato fakaeʻulungaanga ʻa ia ʻoku fakafisi ai ʻa e tangatá ke ʻiloʻi ʻa hono tuʻungá ko ha meʻamoʻui naʻe fakatupu.” ʻOku tānaki mai ai: “Ko e ʻuluaki angahalá ko hano ʻohofi ʻa e tuʻunga-hau ʻo e ʻOtuá.”