• “Ko e Kotoa ʻo e Tangata Ia”
    Ko e Taua Leʻo—1997 | Maʻasi 1

    • 13. (a) ʻOku anga-fēfē hono tokoniʻi kitautolu ʻe he Koheleti 9:​4, 5 ke maʻu ha vakai totonu ki he feinga ko ia ki he tuʻu-ki-muʻá pe mafaí? (e) Ko e hā ʻa e ngaahi moʻoniʻi meʻa ʻoku totonu ke tau sio ki ai kapau ko e moʻuí pē ʻeni? (Sio ki he fakamatala ʻi laló.)

      13 ʻE iku atu ki he hā ʻa e tuʻu-ki-muʻa pe mafai peheé? Hangē pē ko e ʻalu atu mo e haʻu ha toʻutangata, ʻa e puli atu mo e ngalo hifo ʻa e kakai tuʻu-ki-muʻá pe maʻu mafaí. ʻOku moʻoni ʻeni fekauʻaki mo e kau langá, kau mūsiká mo e kau pōtoʻi ngāue kehé, kau fakalelei fakasōsialé, pea mo hai fua, ʻo hangē tofu pē ko ia ko ʻene moʻoni ʻo fekauʻaki mo e tokolahi taha ʻo e kau politikalé mo e kau taki fakakautaú. ʻI he ngaahi ngāue ko iá, ko e tokotaha tāutaha mahino nai ʻe fiha ʻokú ke ʻilo naʻe moʻui ʻi he vahaʻa ʻo e 1700 mo e 1800? Naʻe fakafuofua tonu ʻe Solomone ʻa e ngaahi meʻá, ʻo ne pehē: “ʻOku lelei hake ha kuli moʻui ʻi ha laione mate​—he ko e kau moʻui ʻoku nau ʻilo ai pe te nau pekia: ka ko e kau pekia ʻoku ʻikai te nau ʻilo ha momoʻi meʻa, . . . he kuo mole ʻa e manatu kiate kinautolu.” (Koheleti 9:​4, 5) Pea kapau ko e moʻuí pē ʻeni, pea tā ko e feinga ki he tuʻu-ki-muʻá mo e mafaí ko e muna pē.a

  • “Ko e Kotoa ʻo e Tangata Ia”
    Ko e Taua Leʻo—1997 | Maʻasi 1

    • a Naʻe tuʻo taha hono fai ʻe he Watchtower ʻa e fakamatala mahino ko ʻení: “ʻOku ʻikai totonu ke tau fakamoleki ʻa e moʻui ko ʻení ʻi he ngaahi meʻa muná . . . Kapau ko e moʻuí pē ʻeni, ʻoku ʻikai ha meʻa ia ʻe mahuʻinga. Ko e moʻui ko ʻení ʻoku hangē ia ha foʻi pulu ʻa ia ʻoku tolongi ki he ʻataá pea toe vave pē ʻene tō ki he kelekelé. Ko ha ʻata pē ʻoku mole vave, ko ha matalaʻi ʻakau ʻoku mae, ko ha laʻi musie ʻe tuʻusi pea mae leva. . . . ʻI he meʻa-fua-mamafa ʻo ʻitānití ko e lōloa ʻetau moʻuí ko ha kiʻi meʻi ʻila valevale pē. ʻI he tukuʻau mai ʻa e taimí ʻoku ʻikai lava ha maʻanga ia ai. ʻOku moʻoni pau ai ʻa [Solomone] ʻi heʻene sivisiviʻi ko ia ʻa e ngaahi tokanga mo e ngaahi ngāue ʻa e tokolahi ʻo e faʻahinga ʻo e tangatá ki he moʻuí, peá ne fakahā ko e muna pē kinautolu. ʻI he vave pē ʻetau puli atú, naʻe mei sai ange pē kapau naʻe ʻikai te tau haʻu, ko e taha ʻo e laui piliona ʻe haʻu pē mo ʻalu, mo e tokosiʻi fau ʻapē ʻoku nau ʻilo pe naʻa tau ʻi heni koā. Ko e anga ʻo e vakai ko ʻení ʻoku ʻikai ko e anga-fakaanga ia pe veiveiua pe loto-ʻingoʻingo pe saiʻia ʻi he meʻa ʻoku koví. Ko e moʻoní ia, ko e moʻoniʻi meʻa ke fehangahangai mo ia, ko ha vakai fakapotopoto, pe ko e moʻuí pē ʻa ʻeni.”​—ʻAokosi 1, 1957, peesi 472.