LAIPELI Taua Le‘o ‘I HE ‘INITANETÍ

“Ko e Hā ʻa e Fakaʻilonga ʻo Hoʻo ʻI Ai?”

Ko e Taua Leʻo—1994 | Sune 1
- “TOKI” Hoko ʻa e Ngataʻanga
  
  10. Ko e hā ʻoku totonu ai ke tau fakatokangaʻi ʻa e foʻi lea faka-Kalisi ko e toʹte, pea ko e hā hono ʻuhingá?
  
  ¹⁰ ʻI he ngaahi konga ʻe niʻihi ʻo e kikite ʻa Sīsuú, naʻá ne fakahā ai ʻe hoko fakahokohoko ʻa e ngaahi meʻa. Naʻá ne pehē: “Ke fanongonongo . . . ʻa e ongoongolelei ko eni ʻo e puleʻanga . . . pea toki hoko ʻa e ngataʻanga.” Ko e ngaahi Tohi Tapu ʻi he lea faka-Pilitaniá ʻoku nau faʻa ngāueʻaki ʻa e foʻi lea ko e “toki (then)” ʻi he ʻuhinga pē ko e “ko ia ai,” pe “ka.” (Maʻake 4:15, 17; 13:23) Ka, ʻi he Mātiu 24:14, ko e foʻi lea “toki” ʻoku makatuʻunga ʻi he hoāveape faka-Kalisi ko e toʹte.c Ko e kau mataotao ʻi he lea faka-Kalisí ʻoku nau fakamatala ʻo pehē ko e toʹte ko e “hoāveape ia ke fakahāhā ʻa e taimi” ʻa ia ʻoku ngāueʻaki “ke fakahā ʻa e meʻa ʻoku hoko atu ki ai ʻi he faai mai ʻa e taimí” pe “ke fakahā ʻa e meʻa hono hoko ʻe hokó.” Ko ia ai, naʻe kikiteʻi ʻe Sīsū ʻe malangaʻi ʻa e Puleʻangá pea ʻe toki hoko (pe, ‘hili iá’) ʻe hoko “ʻa e ngataʻanga.” Ko e ngataʻanga fē?

“Ko e Hā ʻa e Fakaʻilonga ʻo Hoʻo ʻI Ai?”

Ko e Taua Leʻo—1994 | Sune 1
- c ʻOku lahi ange ʻi he tuʻo 80 ʻa e ʻasi ʻa e toʹte ʻi he tohi Mātiú (tuʻo 9 ʻi he vahe 24) pea mo e tuʻo 15 ʻi he tohi Luké. Naʻe ngāueʻaki ʻe Maʻake ʻa e toʹte ʻo tuʻo ono pē, ka ʻi he tuʻo fā mei he tuʻo onó ni naʻe lave ia ki he “fakaʻilonga.”