Fakaʻosí, naʻe fai ʻe Sīsū ʻa e fakaafe fakamānako: “Haʻu kiate au, ʻa kimoutolu kotoa pē ʻoku fakaongosia mo māfasiá, pea te u fakamālōlō kimoutolu. ʻAi ʻeku ʻioké kiate kimoutolu, pea mou ako ʻiate au, he ʻoku ou faʻa kātaki mo angafākatuʻa, pea te mou ʻilo ha mālōlō ʻi homou laumālié. He ko e ʻioke ʻaʻakú ʻoku anga-ʻofa, pea ko e kavenga ʻaʻakú ʻoku maʻamaʻa.”

Ko e ʻioke anga-ʻofa naʻe tuʻuaki ʻe Sīsuú ko e ʻioke ʻo e fakatapui kakato ki he ʻOtuá, ʻo hoko ʻo malava ke tauhi ʻetau Tamai fakahēvani manavaʻofa mo faimeesí. Pea ko e kavenga maʻamaʻa naʻe tuʻuaki ʻe Sīsū ki he faʻahinga naʻe haʻu kiate iá ko e talangofua ki he ngaahi fiemaʻu ʻa e ʻOtuá ki he moʻuí, ʻa ia ko ʻEne ngaahi fekaú ʻoku hiki ʻi he Tohitapú. Pea ko e talangofua ki he ngaahi meʻá ni ʻoku ʻikai ʻaupito ke fakamafasia ia. Mātiu 11:​16-30; Luke 1:15; 7:​31-35; 1 Sione 5:​3, 4.