Ko e Pealapeli ʻo e Samēlia Anga-Fakakaungāʻapí

10:25-37

Naʻe fai ʻe Sīsū ʻa e pealapeli ko ení ko ha tali ki he fehuʻi, “Ko hai moʻoni ʻa hoku kaungāʻapí?” (Luke 10:25-29) Naʻá ne ʻilo ʻe faʻuʻaki ʻa e fakatahaʻanga Kalisitiané ʻa e “faʻahinga kakai kotoa pē”—kau ai ʻa e kau Samēliá mo e kau Senitailé. (Sione 12:32) Naʻe akoʻi ʻe he pealapelí ni ki hono kau muimuí ʻoku totonu ke nau feinga makehe ke ʻofa ki he niʻihi kehé, naʻa mo e faʻahinga ʻoku kehe ʻaupito meiate kinautolú.

ʻEKE HIFO KIATE KOE:

• ‘ʻOku anga-fēfē ʻeku ongoʻi fekauʻaki mo e fanga tokoua mo e fanga tuofāfine mei he ngaahi anga fakafonua kehé?’

• ‘ʻOku ou fakamoleki pē ʻa e taimi mo e faʻahinga ʻoku lahi ʻa e ngaahi meʻa ʻoku mau faitatau aí?’

• ‘ʻE lava ke u fakaʻatā atu hoku lotó ʻaki ʻeku feinga ke maheni lelei ange mo e kaungā Kalisitiane mei ha puipuituʻa kehe?’ (2 Kol. 6:13)

Ko hai te u fakaafeʻi ke . . .

• ngāue mo au ʻi he ngāue fakafaifekaú?

• haʻu ki hoku ʻapí ke ma kai?

• kau mo hoku fāmilí ʻi heʻemau efiafi Lotu Fakafāmili hono hokó?