• Ko e Hā Te Ne ʻAi ʻEtau Lotú ke Fakahōifua ki he ʻOtuá?
    Fiefia ʻi he Moʻuí ʻo Taʻengata!—Ako Tohi Tapu Fetalanoaʻaki

    • 1. Ko e hā ʻoku totonu ke makatuʻunga ai ʻetau lotú?

      Ko ʻetau lotú ʻoku totonu ke makatuʻunga ʻi he Tohi Tapú. Naʻe pehē ʻe Sīsū ki he ʻOtuá: “Ko hoʻo folofolá ko e moʻoní ia.” (Sione 17:17) Ko e ngaahi lotu ʻe niʻihi ʻoku nau tukunoaʻi ʻa e moʻoni ʻi he Folofola fakamānavaʻi ʻa e ʻOtuá, ʻa e Tohi Tapú. ʻOku nau fetongi ia ʻaki ʻa e ngaahi akonaki fakaetangata mo e ngaahi talatukufakaholó. Ka ʻoku ʻikai fakahōifua kia Sihova ʻa e faʻahinga ʻoku nau “taʻetokaʻi ʻa e fekau ʻa e ʻOtuá.” (Lau ʻa e Maʻake 7:9.) ʻI he tafaʻaki ʻe tahá, ʻoku tau ʻai ʻa e ʻOtuá ke fiefia ʻi heʻetau pipiki ki he Tohi Tapú pea muimui ki heʻene faleʻí.

  • Ko e Kau Kalisitiane Moʻoni ʻa e Kau Fakamoʻoni ʻa Sihová?
    Fiefia ʻi he Moʻuí ʻo Taʻengata!—Ako Tohi Tapu Fetalanoaʻaki

    • 1. Ko e hā ʻoku makatuʻunga ai ʻa e ngaahi tui ʻa e Kau Fakamoʻoni ʻa Sihová?

      Naʻe pehē ʻe Sīsū: Ko e “folofolá ko e moʻoní ia.” (Sione 17:17) ʻI he hangē pē ko Sīsuú, ko e Kau Fakamoʻoni ʻa Sihová ʻoku makatuʻunga maʻu pē ʻenau ngaahi tuí ʻi he Folofola ʻa e ʻOtuá. Ko e fakatātaá, fakakaukau ki he hisitōlia ʻo e Kau Fakamoʻoni ʻa Sihová, ʻa ia naʻe ʻiloa ki muʻa ko e Kau Ako Tohi Tapú. ʻI he 1870 nai, ko e Kau Ako Tohi Tapú naʻe kamata ke nau ako fakamātoato ʻa e Tohi Tapú. Naʻe makatuʻunga ʻenau tuí ʻi he meʻa naʻe leaʻaki aí, neongo naʻe kehe ia mei he ngaahi tokāteline ʻa e lotu kehé. Pea naʻe kamata leva ke nau vahevahe ʻa e ngaahi moʻoni Fakatohitapu ko iá mo e niʻihi kehé.a