• Ko e Tokotaha Fēfē ʻa Sihova?
    Fiefia ʻi he Moʻuí ʻo Taʻengata!—Ako Tohi Tapu Fetalanoaʻaki

    • 3. ʻOku anga-fēfē hono fakahaaʻi ʻe Sihova ʻokú ne ʻofa mai kiate kitautolú?

      Ko e ʻulungaanga tuʻu-ki-muʻa taha ʻo Sihová ko e ʻofá. Ko hono moʻoní, ko e “ʻOtuá ko e ʻofa.” (1 Sione 4:8) ʻOku fakahaaʻi mai ʻe Sihova ʻene ʻofá, ʻo ʻikai ngata pē ʻi he Tohi Tapú kae pehē foki ʻi he ngaahi meʻa naʻá ne fakatupú. (Lau ʻa e Ngāue 14:17.) Ko e fakatātaá, fakakaukau angé ki he founga naʻá ne ngaohi ai kitautolú. Kuó ne ʻomai kiate kitautolu ʻa e malava ke sio ki he ngaahi lanu fakaʻofoʻofa, fanongo ki he ngaahi fasi mālie pea ʻahiʻahiʻi ʻa e ngaahi meʻakai ifo vovó. ʻOkú ne loto ke tau fiefia ʻi he moʻuí.

  • Houngaʻia ʻi he Meʻaʻofa ʻo e Moʻuí
    Fiefia ʻi he Moʻuí ʻo Taʻengata!—Ako Tohi Tapu Fetalanoaʻaki

    • 1. Ko e hā ʻoku totonu ai ke tau houngaʻia ʻi he moʻuí?

      ʻOku totonu ke tau houngaʻia ʻi he moʻuí koeʻuhí ko ha meʻaʻofa ia mei heʻetau Tamai ʻofá, ʻa Sihova. Ko ia “ʻa e matavai ʻo e moʻuí.” Naʻá ne fakatupu ʻa e moʻui kotoa pē. (Saame 36:9) Ko ia tonu “ʻokú ne ʻoange ki he kakai kotoa pē ʻa e moʻui mo e mānava pea mo e meʻa kotoa pē.” (Ngāue 17:25, 28) ʻOku ʻomai ʻe Sihova kiate kitautolu ʻa e meʻa ʻoku tau fiemaʻu ke hanganaki moʻuí. ʻIkai ko ia pē, ʻokú ne toe ʻomai ʻa e meʻa kotoa pē ʻoku tau fiemaʻu ke fiefia ai ʻi he moʻuí.​—Lau ʻa e Ngāue 14:17.