• Mālōlōʻanga ʻo e ʻOtuá​—Kuó Ke Hū ki Ai?
    Ko e Taua Leʻo—2011 | Siulai 15

    • “Ko e Folofola ʻa e ʻOtua, ko e Koto Moʻui”

      20. ʻI he ongo founga fē ʻe lava ke ngāueʻaki ai e Hepelu 4:12? (Sio ki he fakamatala ʻi laló.)

      20 ʻI he taimi naʻe tohi ai ʻe Paula “ko e folofola ʻa e ʻOtua, ko e koto moʻui” naʻe ʻikai ko ʻene lave fakatefito pē ki he Folofola kuo tohi ʻa e ʻOtuá, ʻa e Tohi Tapú.d ʻOku fakahaaʻi ʻe he potutohí naʻá ne lave ki he ngaahi folofola ʻa e ʻOtuá fekauʻaki mo ʻene talaʻofá. Ko e poini ʻa Paulá ko e ʻOtuá ʻoku ʻikai te ne fai ha talaʻofa peá ne fakangaloʻi leva ia. Naʻe fakapapauʻi eni ʻe Sihova ʻo fakafou ʻi he palōfita ko ʻAiseá: “ʻE pehe pe mo ʻeku lea . . . ʻe ʻikai foki ngeʻesi mai, kaeʻoua ke ne fai ʻa e meʻa ne u loto ki ai, mo fakaaʻu ʻa e meʻa ne u fekau atu ai ia.” (Ai. 55:11) Ko ia ai, ʻoku ʻikai fiemaʻu ia kia kitautolu ke hoko ʻo ʻikai faʻa tatali he taimi ʻoku ʻikai laka vave ki muʻa e ngaahi meʻá hangē ko ʻetau fakaʻamú. ʻOku “kei gaue ni” pē ʻa Sihova mo ha fakakaukau ke fakahoko ʻene taumuʻá ki ha aofangatuku lavameʻa.—Sione 5:17, PM.

      21. ʻE lava fēfē ke hoko ʻa e Hepelu 4:12 ko ha fakalototoʻa ki he kau mēmipa faitōnunga motuʻa ange ʻo e “fuʻu kakai lahi”?

      21 Ko e kau mēmipa faitōnunga motuʻa ange ʻo e “fuʻu kakai lahi” kuo nau tauhi kia Sihova he laui hongofuluʻi taʻu. (Fkh. 7:9) Naʻe ʻikai ʻaupito ʻamanekina ʻe he tokolahi te nau tupu ʻo motuʻa he fokotuʻutuʻu ʻo e ngaahi meʻa ko ení. Neongo ia, kuo ʻikai te nau ʻulutukua ki he loto-foʻí. (Sāme 92:14) ʻOku nau ʻilo ko e folofola ʻa e ʻOtuá fekauʻaki mo e talaʻofá ʻoku ʻikai ko ha ʻīsiu ʻoku mate—ʻoku moʻui ia, pea ʻoku ngāue ʻa Sihova fekauʻaki mo hono fakahoko iá. Koeʻuhi ko e talaʻofa ʻa e ʻOtuá ʻoku mahuʻinga ki hono lotó, ʻoku tau ʻoatu ʻa e fiefia kiate ia he taimi ʻoku tau tauhi ai ke muʻomuʻa taha ia ʻi hotau ʻatamaí. Lolotonga e ʻaho hono fitu ko ení, kuo mālōlō ai ʻa Sihova, ʻi he ʻiloʻi pau ʻe fakahoko ʻene taumuʻá pea ko hono kakaí, he tuʻunga ko ha kulupú, te nau poupouʻi ia. Fēfē koe? Kuó ke hū fakafoʻituitui ki he mālōlōʻanga ʻo e ʻOtuá?

  • Mālōlōʻanga ʻo e ʻOtuá​—Kuó Ke Hū ki Ai?
    Ko e Taua Leʻo—2011 | Siulai 15

    • [Fakamatala ʻi lalo]

      a Kaletia 6:1 (NW): ‘Fanga tokoua, neongo kapau ʻoku fai ʻe ha tangata ha laka hala ki muʻa ke ne lāuʻilo ki aí, ko kimoutolu ko ia ʻoku mou maʻu ʻa e ngaahi tuʻunga taau fakalaumālié mou feinga ke fakatonutonu ha tangata pehē ʻi ha laumālie ʻo e anga-malū. Kae vakavakai kiate koe, telia naʻá ke hoko foki mo koe ʻo fakataueleʻi ai.’

      b Ko e tokolahi ʻo e kau taki he lotolotonga ʻo e kau Siú naʻa nau tauhi fakamātoato ʻa e Lao ʻa Mōsesé, ka he aʻu mai ʻa e Mīsaiá, naʻe taʻemalava ke nau ʻiloʻi ia. Naʻe ʻikai te nau laka fakataha mo e taumuʻa laka ki muʻa ʻa e ʻOtuá.

      d ʻI he ʻahó ni, ʻoku lea mai e ʻOtuá kia kitautolu fakafou heʻene Folofola kuo tohí, ʻa ia ʻoku ʻi ai e mālohi ke ne ueʻi ʻetau moʻuí. Ko ia ai, ʻi hono toe fakalea ʻe tahá, ko e ngaahi lea ʻa Paula ʻoku lēkooti he Hepelu 4:12 ʻe lava ke ngāueʻaki totonu ia ki he Tohi Tapú.

      ʻOua Naʻa Tō mei he Taumuʻá

      • Ko e hā ʻoku fiemaʻú ka tau lava ke hū ai ki he mālōlōʻanga ʻo e ʻOtuá he ʻaho ní?

      • Ko e hā ʻa e fehokotaki he vahaʻa ʻo e taumuʻa ʻa e ʻOtuá mo ʻetau loto-lelei ke tali e akonaki Fakatohitapú?

      • ʻI he ngaahi ʻēlia fē ʻe hoko nai ai e talangofua ki he ngaahi fakahinohino Fakatohitapú ʻo faingataʻá, ka ko e hā ʻoku mahuʻinga ai ke tau talangofuá?

      • ʻI he ongo founga fē ʻe lava ke ngāueʻaki ai ʻa e Hepelu 4:12?

      [Fakatātā ʻi he peesi 31]

      Kuo moʻutāfuʻua e ongo mātuʻá!