• “Fekuki Fakamatoato Koeuhi Koe Tui”!
    Ko e Taua Leʻo—1998 | Sune 1

    • 5. Ko hai ʻa e palōfita ʻi he kuonga muʻá ʻoku toʻo mei ai ʻa e lea ʻa Siutasí, pea naʻe anga-fēfē ʻa hono fakahaaʻi ʻe he kikite ko iá ʻa e pau fakaʻaufuli ʻa hono fakahokó?

      5 ʻOku lave ki mui ʻa Siutasi ki ha fakamaau ʻoku toe fuʻu lahi ʻaupito ange ia. ʻOkú ne leaʻaki ha kikite ʻa ʻĪnoke​—ko ha konga ʻoku ʻikai maʻu ia ʻi ha toe feituʻu kehe ʻi he Tohitapu fakamānavaʻí.a (Siutasi 14, 15) Naʻe tala ki muʻa ʻe ʻĪnoke ha taimi ʻe fakamāuʻi ai ʻe Sihova ʻa e kotoa ʻo e kau fakaʻotuamaté mo ʻenau ngaahi ngāue fakaʻotuamaté. Ko e meʻa ʻoku mahuʻingá, naʻe lea ʻa ʻĪnoke ʻi he taimi kuo ʻosi, he naʻe pau ʻa e ngaahi fakamaau ʻa e ʻOtuá ʻo hangē pē ne ʻosi hoko iá. Naʻe manuki nai ʻa e kakaí kia ʻĪnoke pea ki mui mai ai kia Noa, ka ko e kotoa ʻo e kau luma peheé naʻa nau melemo hifo ʻi he Lōmaki ʻi māmani lahí.

  • “Fekuki Fakamatoato Koeuhi Koe Tui”!
    Ko e Taua Leʻo—1998 | Sune 1

    • a ʻOku fakamatematē mai ʻa e kau fakatotolo ʻe niʻihi ʻo pehē ko e hiki ʻe Siutasí mei he Tohi ʻa ʻĪnoke ʻi he ʻapokalifá. Kae kehe, ʻoku fakahā ʻe R. C. H. Lenski: “ʻOku mau ʻeke: ‘Ko e hā ʻa e tupuʻanga ʻo e fakamatala kongokonga kehekehe ko ʻení, ʻa e Tohi ʻa ʻĪnoké?’ Ko e tohí ni ko ha fakamatala tānaki fakatahatahaʻi, ʻoku ʻikai ha taha ia te ne fakapapauʻi ʻa e ngaahi ʻaho ʻo hono ngaahi konga kehekehé . . . ; ʻoku ʻikai ha taha ia te ne lava ʻo fakapapauʻi ko e niʻihi ʻo e ngaahi kupuʻi lea aí naʻe toʻo nai meia Siutasi tonu.”