Fanongonongo

◼ Tohi ke tuʻuaki ʻi Tīsema: Ko e Moʻungaʻi Tangata Lahi Taha Kuo Moʻui Maí. Sanuali: Ko ʻEku Tohi ʻo e Ngaahi Talanoa Faka-Tohitapú. Fepueli: Ko Hono ʻAi Hoʻo Moʻui Fakafāmilí ke Fiefia. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻEpeleli mo Mē: Ko e ngaahi tatau tāutaha ʻo e Taua Leʻo mo e Awake!

◼ ʻOku totonu ke kamata kole ʻa e ngaahi fakatahaʻangá ki he ngaahi voliume ʻo e The Watchtower mo e Awake! ki he 1999 fakataha mo ʻenau tohi kole ʻo Tīsemá. Ko e ngaahi voliumé ʻe ala maʻu ia ʻi he faka-Falanisē, Hungali, Kalisi, Kōlea, Kolotia, Lumēnia, Lūsia, Pilitānia, Pōlani, Potukali, Siaina, Siamane, Siapani, Sipeini, mo e faka-ʻĪtali. ʻI hono ala maʻu ʻa e ngaahi voliumé pea fai hono fakafolau atú, ʻe hā ia ko e “Back Ordered” ʻi he lisi fakaheka ʻa e fakatahaʻangá. Ko e ngaahi voliumé ko e meʻa ia ʻoku fai ʻa e kole makehe ki ai.

◼ ʻOku totonu ki he ʻovasia tauhí, pe ko ha tokotaha kuó ne fili ke ne ʻaotitaʻi ʻa e fakamatala paʻanga ʻa e fakatahaʻangá ʻi Tīsema 1 pe ko e faingamālie vave taha hili iá. ʻI he hili hono fai ʻení, fai ha fanongonongo ki he fakatahaʻangá hili hono lau ʻo e fakamatala paʻanga hono hokó.

◼ Ko e Fakamanatu ki he taʻu 2001 ʻe fai ia ʻi he Sāpate, ʻEpeleli 8, hili ʻa e tō ʻa e laʻaá. Ko e fakatokanga tōmuʻa ko ení ʻoku fai ia koeʻuhi ke fai nai ʻe he fanga tokouá ha ngaahi taʻofi pe ngaahi aleapau ʻe fiemaʻú ki ha ngaahi holo ʻe ala maʻu ʻi he taimi ʻe ʻilo ai ʻoku ʻi ai ʻa e ngaahi fakatahaʻanga ʻe niʻihi ʻoku nau ngāueʻaki ʻa e Fale Fakatahaʻangá pea ʻoku fiemaʻu ke maʻu ʻa e ngaahi fale kehé. ʻOku totonu ke ʻi ai ʻa e felotoi ʻi he kau mātuʻá ki hono fakahokó ʻo fakapapauʻi heʻikai ha fakahohaʻa mei he ngaahi ngāue kehe ʻi he falé koeʻuhi kae fai ʻa e kātoanga ʻo e Fakamanatú ʻi ha founga melino mo maau. Koeʻuhi ko e mahuʻinga ʻo e meʻa ko iá, ʻi hono vaheʻi ha tokotaha malanga Fakamanatú, ko e kulupu ʻo e kau mātuʻá ʻoku totonu ke nau fili ha taha ʻo e kau mātuʻa tāu angé kae ʻikai ko ha fetongitongi pē, pe ngāueʻaki ʻa e tokoua tatau pē ʻi he taʻu kotoa pē. ʻE fai ha liliu kapau ʻoku ʻi ai ha tokotaha mātuʻa taau ʻo e kau paní ʻe lava ke ne fai ʻa e malangá.

◼ Ko e ngaahi tatau ʻo e ngaahi foomu ngāue fakataʻu ki he 2000 ʻe fakafolau atu ia ki he kotoa ʻo e ngaahi fakatahaʻangá he lolotonga ʻo Tīsemá. Ko e ngaahi fōmú ʻe ʻi he ngaahi pēketi kuo ʻosi fakaʻilonga “Ke Toki Fakaava ʻe he Sekelitalí.” ʻE faʻo atu ʻi he pēketi taki taha ʻa e fakahokohoko kakató mo e ngaahi fakahinohinó. ʻOku totonu ke fakapapauʻi ʻe he sekelitalí ʻoku ngāueʻaki ʻa e ngaahi fōmú kotoa ki honau taumuʻa totonú.

◼ Ngaahi Tohi Foʻou ʻOku Ala Maʻu:

2000 Calendar​—Faka-Falanisē, Pilitānia, Sipeini

Līpooti Ngāue ki Sepitema

Tonga

ʻAv. Ng. Maka- Toe Ng.

Lahi ʻo e: Houa sini ʻAʻahi Ako

Tāi. Makehe 8 123.8 127.0 69.9 8.4

Tāimuʻa 13 74.1 44.3 25.5 4.0

Tāi. Tokoni 3 47.7 64.3 11.0 4.0

Kau Malanga 88 11.8 37.5 4.7 0.9

KĀTOA 112

Haʻamoa ʻAmelika

Tāi. Makehe 1 106.0 114.0 63.0 7.0

Tāimuʻa 15 66.2 60.9 22.3 3.5

Tāi. Tokoni 5 50.4 59.6 21.8 1.8

Kau Malanga 162 11.0 12.7 3.2 0.7

KĀTOA 183

Haʻamoa

Tāi. Makehe 6 128.3 97.7 58.0 5.7

Tāimuʻa 55 54.4 51.4 21.8 2.9

Tāi. Tokoni 15 50.1 42.9 16.8 2.4

Kau Malanga 295 11.4 13.3 3.5 0.5

KĀTOA 371 Papitaiso: 19

Tokelau

Kau Malanga 2 11.0 27.0 7.5 1.0

KĀTOA 2

Ko e Ako Fakafaifekau Fakateokalati ki he 2000

¹ Kuo fakamoʻoniʻi ko e Ako Fakafaifekau Fakateokalatí kuo hoko ko ha tāpuaki lahi ki he kakai ʻa Sihová. Laka hake ʻi he taʻu ʻe 50 kuohilí, kuó ne tokoniʻi ai ʻa e laui miliona ke fakatupulekina ʻenau ngaahi malavá ʻi he tuʻunga ko e kau malanga mo e kau faiako ʻo e ngaahi moʻoni ʻo e Tohitapú ki he kakaí. (Sāme 145:​10-12; Mt. 28:​19, 20) ʻOku lava ke ke sio ki he founga kuo tokoniʻi ai koe ʻe he akó? ʻE malava ke hoko atu ʻene fai peheé he lolotonga ʻo e 2000 kapau te ke kau kakato ki ai pea ngāueʻaki ʻa e akonaki ʻoku ʻomai aí.

² Ko e ngaahi fakahinohino fekauʻaki mo e ngaahi kongá pea mo e ngaahi tohi ʻe ngāueʻakí ʻoku fakahokohoko ʻi he ʻuluaki peesi ʻo e fakahokohoko ako ki he 2000. Ko e taimi ʻoku vaheʻi ki he konga taki taha, ko e maʻuʻanga fakamatalá, founga ke ʻoatu ai ʻa e fakamatalá, pea mo e ngaahi fakaikiiki kehe ʻoku lave ki aí. Kātaki ʻo vaheʻi ha taimi ke lau fakalelei ai ʻa e ngaahi fakahinohinó pea ngāueʻaki kinautolu. Ki ha ngaahi malanga ʻoku makatuʻunga ʻi ha tokotaha ʻi he Tohitapú, neongo kapau ʻoku ʻikai ke ke mahinoʻi ʻa e lea faka-Pilitāniá ʻe lava ke ke ngāueʻaki ko ha maʻuʻanga fakamatala ʻa e ngaahi konga Tohitapu ʻa ia ʻoku lave ki ai ʻi he kupu ʻi he Insight, ʻa ia ʻe lava ke ke lau ʻi hoʻo Tohitapu faka-Tongá. ʻE toe ʻi ai nai ha talanoa fekauʻaki mo ia ʻi he Ko ʻEku Tohi ʻo e Ngaahi Talanoa Faka-Tohitapú, pe ko ha tokoua ʻokú ne ʻilo ʻa e lea faka-Pilitāniá ʻe lava ke ne tokoniʻi koe ke mahino ʻa e kupu ʻi he Insight.

³ Lau Tohitapu Fakauiké: ʻOku ʻi ai ʻa e ongo polokalama kehekehe ʻe ua ki he lau Tohitapu fakauiké ʻoku fakahokohoko ʻi he fakahokohoko ki he akó. Ko e taha ko e polokalama lautohi anga-maheni ʻoku kāpui ai ʻa e ngaahi peesi nai ʻe nima ʻo e Tohitapú. ʻOku fakatuʻunga ʻa e ngaahi meʻa mahuʻinga mei he Tohitapú ʻi he lautohi ko ʻení. Ko e polokalama lautohi ʻe tahá ko e fakalahi pea ʻokú ne kāpui ʻa e fakamatala ʻoku liunga ua hono lahí. ʻI he muimui ki he polokalama ko ʻení, te ke malava ai ke lau ʻa e kotoa ʻo e Tohitapú ʻi he taʻu ʻe tolu. ʻOku ʻiloʻi ko e niʻihi ʻoku nau loto nai ke lau ʻo lahi ange ʻi he fakahokohoko ki he polokalama fakalahí, pea ko e niʻihi kehe ʻoku ʻikai nai malava ke nau tauhi ki ai. ʻI he ʻikai ko hono fakafehoanaki koe mo e niʻihi kehé, fiefia ʻi he meʻa ʻoku malava ke ke lavaʻí. (Kal. 6:4) Ko e meʻa mātuʻaki mahuʻingá ke lau fakaʻaho ʻa e Folofola ʻa e ʻOtuá.​—Sāme 1:​1-3.

⁴ Ke kau ʻi he Ako Fakafaifekau Fakateokalatí, ʻoku totonu ke ke lea ki he ʻovasia ʻo e akó. Kātaki ʻo fai fakamātoato ʻa hoʻo ngaahi kongá, pea ʻoua ʻe kaniseli noaʻia. Houngaʻia ʻi he akó he ko ha tokonaki meia Sihova. Teuteu lelei, hoko ʻo alāanga kakato mo e fakamatala kuo vaheʻí, pea fakahaaʻi atu koe mei he lotó, ʻokú ke maʻu ʻa e ʻaonga kakato mei he ako laulōtaha ko ʻení.