Hiva 23
Ko e ʻAmanaki ʻa e Tohi Tapú ki he Faʻahinga ʻo e Tangatá
1. Poʻuli ē, manavahē,
ʻAmanaki tōnoa fakatupú kotoa.
Ofi mai ʻaho ʻosi,
Nau taufā he poʻulí.
ʻOmi Tohi Tapú ha fiefia,
He ʻoku ofi ʻa e Puleʻangá.
ʻE toʻo he ʻOtuá loʻimata.
Tuʻu hake ā; tuku ilifiá.
2. Pōpōʻuli e moʻuí,
Hoko ʻa e mate taha kotoa pē.
ʻIkai kalo fonualoto;
Muna ngāue kotoa.
Ka ʻoku fakahā he Tohi Tapú,
Kau maté te nau toetuʻu.
Taki atu ki he vai moʻuí.
Ko eni e ongoongo lelei.
3. Hīkisia e tangatá,
Luma kia Sihova, fou he angahalá.
Pule Filí ʻi māmani;
Fonu fulikivanú.
Ka ʻoku talaʻofa Tohi Tapú
Sihova vave ʻene fakamāú
Toʻo taʻengata fulikivanú,
Nofo fiefia e anga-tonú.