Founga Hono Fakaivimālohiʻi ʻa e Nofo Malí

Ko ʻĒpalahame mo Sela ko ha faʻifaʻitakiʻanga lelei ia ʻo e feʻofaʻaki mo fefakaʻapaʻapaʻaki ʻi he nofo malí. (Sēn. 12:11-13; 1 Pita 3:6) Neongo ia, naʻe ʻikai haohaoa ʻena nofo malí pea naʻe pau ke na kātekina ʻa e ngaahi ʻahiʻahi ʻo e moʻuí. Ko e hā ʻe lava ke ako ʻe he ngaahi hoa malí mei he faʻifaʻitakiʻanga ʻa ʻĒpalahame mo Selá?

Fetuʻutaki. Fakafeangai anga-fakatōkilalo ki he ngaahi lea ʻi he loto-mamahi mo ʻitá. (Sēn. 16:5, 6) Fakalahilahi ʻa e taimi feohí. ʻI he leá mo e tōʻongá, fakapapauʻi ki ho hoá ʻokú ke ʻofa ai. Hiliō ʻi he meʻa kotoa, ʻai ʻa Sihova ʻi hoʻomo nofo malí, ʻaki ʻa e akó, lotú, pea ngāue fakataha ʻi he tuí. (Tml. 4:12) Ko e nofo mali maʻumaʻulutá ʻokú ne fakalāngilangiʻi ʻa Sihova, ko e Tupuʻanga ʻo e fokotuʻutuʻu toputapu ko ení.

SIO ʻI HE VITIŌ FOUNGA HONO FAKAIVIMĀLOHIʻI E HAʻI ʻO E NOFO MALÍ PEA TALI LEVA ʻA E NGAAHI FEHUʻI KO ENÍ:

• ʻI he vitioó, ko e hā ʻa e fakaʻilonga ʻe niʻihi ko Shaan mo Kiara naʻe kamata ke ʻikai ke na kei fāitaha?

• Ko e hā ʻoku mātuʻaki mahuʻinga ai ʻa e fetuʻutaki faitotonú ʻi he nofo malí?

• Naʻe anga-fēfē hono tokoniʻi ʻe he faʻifaʻitakiʻanga ʻa ʻĒpalahame mo Selá ʻa Shaan mo Kiara?

• Ko e hā ʻa e ngaahi founga naʻe ngāueʻaki ʻe Shaan mo Kiara ke fakaivimālohiʻiʻaki ʻena nofo malí?

• Ko e hā ʻoku ʻikai totonu ai ke ʻamanekina ʻe ha husepāniti mo ha uaifi ʻe haohaoa ʻena nofo malí?