ʻAi Maʻu Pē ʻa Sihova ʻi Hoʻo Fakakaukaú

Te tau fāinga nai ke hanganaki fakamuʻomuʻa ʻa e Puleʻangá mo e māʻoniʻoni ʻa e ʻOtuá ʻi heʻetau moʻuí ʻi he taimi ʻoku faingataʻa ai ke maʻu ha ngāue. ʻE fakataueleʻi nai kitautolu ke tali ha ngāue ʻe ʻai ai ke faingataʻa ʻetau tauhi kia Sihová pe ʻikai ke fehoanaki mo e ngaahi tefitoʻi moʻoni Fakatohitapú. Kae kehe ʻoku lava ke tau tuipau ʻoku fakahāhā ʻe Sihova hono mālohí ki he faʻahinga ko ia ʻoku kakato honau lotó kiate iá. (2 Kal. 16:9) ʻOku ʻikai ha meʻa te ne lava ʻo taʻofi ʻetau Tamai anga-ʻofá mei heʻene tokoniʻi kitautolu mo tokonaki ʻa e ngaahi meʻa ʻoku tau fiemaʻú. (Loma 8:32) Ko ia ai ʻi heʻetau fili ha ngāue kuo pau ke tau falala kia Sihova pea fakahangataha ʻetau moʻuí ʻi he tauhi kiate iá.​—Saame 16:8.

SIO ʻI HE VITIŌ NGĀUE ʻAKI HO KOTOÁ KIA SIHOVA, PEA TALI LEVA ʻA E NGAAHI FEHUʻI KO ENÍ:

• 

  Ko e hā naʻe talitekeʻi ai ʻe Soni ha totongi fufū?

• 

  ʻE lava fēfē ke tau ngāueʻaki ʻi heʻetau moʻuí ʻa e Kolose 3:23?

• 

  Naʻe anga-fēfē maongo kia Tōmasi ʻa e faʻifaʻitakiʻanga lelei ʻa Soní?

• 

  ʻE lava fēfē ke tau ngāueʻaki ʻi heʻetau moʻuí ʻa e Mātiu 6:22?