AKO 11

Faivelenga

Loma 12:11

MEʻA KE FAÍ: Fakaʻaiʻai mo ueʻi ʻa hoʻo kau fanongó ʻaki ʻa e lea ʻi he loto-vēkeveke.

ʻAi ʻa e fakamatalá ke aʻu ki ho lotó. ʻI hoʻo teuteu ke fakahoko ʻa hoʻo malangá, fakakaukau fakamātoato fekauʻaki mo e mahuʻinga ʻa hoʻo pōpoakí. ʻAi ke ke ʻiloʻi lelei ʻa hoʻo fakamatalá kae lava ke ke fakahaaʻi ia mei ho lotó.
Fakakaukau ki hoʻo kau fanongó. Fakalaulauloto ki he founga ʻe ʻaonga ai ʻa e fakamatala te ke lau pe faiakoʻakí ki he niʻihi kehé. Fakakaukau ki he ngaahi founga ke ʻoatu ai ʻa e fakamatalá ʻi ha founga te ne fakalolotoʻi ʻa e houngaʻia ʻa hoʻo kau fanongó.
Fakahoko longomoʻui ʻa hoʻo fakamatalá. Lea ʻi he loto-vēkeveke. ʻAi ke fakanatula ʻa e ngaue ho sinó pea ʻai ke hā mei ho matá ʻa e loto-moʻoni ke tapua atu ʻa hoʻo ngaahi ongoʻí.

Tokanga ke ʻoua ʻe fakaleluʻi ʻa hoʻo kau fanongó ʻi haʻo toutou ngāueʻaki ha ngaue tatau ʻo e sinó. ʻAi ʻa e ngaue ho sinó ke feʻungamālie. Fakahaaʻi ʻa e faivelengá tautefito ʻi hoʻo akoʻi ʻa e ngaahi poini tefitó pea fakaʻaiʻai ʻa hoʻo kau fanongó ke nau fai ha ngāue. ʻOua te ke ʻai ke helaʻia ʻa hoʻo kau fanongó ʻaki ʻa hoʻo faivelenga tōtuʻa ʻi he kotoa hoʻo malangá.