Fakafiemālie

Talanoa Fakatohitapu mahuʻinga:

• Lute 1:​11-13, 20—Koeʻuhi ko ʻene uitoú mo ʻene mamahi ʻi he mate ʻene ongo tamaiki tangatá, ʻoku ongoʻi ʻe Nāomi kuo liʻaki ia ʻe Sihova

• Siope 3:​1, 11, 25, 26; 10:1—ʻOku hoko ʻa Siope ʻo loto-mamahi hili ʻa e mole ʻene koloá, ko ʻene fānau ʻe toko hongofulú pea mo ʻene mahamahakí

Konga Tohi Tapu fakafiemālie:

• Loma 12:19; Sēm. 1:13

Talanoa Fakatohitapu fakafiemālie:

• Lute 1:​6, 7, 16-18; 2:​2, 19, 20; 3:1; 4:​14-16—ʻOku ʻunuʻunu ofi ʻa Nāomi ki he kakai ʻa e ʻOtuá pea tali mo fai ʻa e tokoni anga-ʻofa, hili iá ʻoku fetongi ʻe he fiefiá ʻene loto-koná

• Siope 42:​7-16; Sēm. 5:11—Ko Siope ʻokú ne kātaki ʻi he tui, pea ʻoku tāpuakiʻi lahi ia ʻe Sihova

Talanoa Fakatohitapu mahuʻinga:

• 1 Sām. 1:​6, 7, 10, 13-16—ʻOku loto-mamahi lahi ʻa ʻAna koeʻuhí ko e fakafeangai taʻeʻofa ange ʻa Pēnina kiate iá pea ko e Taulaʻeiki Lahi ko ʻĪlaí ʻokú ne fakafeangai taʻetotonu kiate ia

• Siope 8:​3-6; 16:​1-5; 19:​2, 3—Ko e kau fakafiemālie loi ʻe toko tolu ʻo Siopé ʻoku nau māʻoniʻoni-fakaekita mo faifakamaau, ʻo ʻai ai ʻa Siope ke ne ongoʻi kovi ʻaupito

Konga Tohi Tapu fakafiemālie:

• Saame 37:​8, 9; ʻEf. 4:26

Talanoa Fakatohitapu fakafiemālie:

• 1 Sām. 1:​9-11, 18—Hili hono huaʻi atu ʻe ʻAna hono lotó kia Sihová, ʻoku hōloa ʻene mamahí

• Siope 42:​7, 8, 10, 17—Hili hono fakahāhā ʻe Siope ha laumālie faʻa fakamolemolé, ʻoku toe fakafoki mai ʻe Sihova ʻene moʻui leleí mo e fiefiá

Talanoa Fakatohitapu mahuʻinga:

• 2 Tuʻi 22:​8-13; 23:​1-3—Ko Tuʻi Siosaia mo hono kakaí ʻoku nau ongoʻi halaia lahi hili hono lau leʻo-lahi ange kiate kinautolu ʻa e Lao ʻa Mōsesé

• ʻĒsela 9:​10-15; 10:​1-4—ʻOku ongoʻi halaia lahi ʻa e taulaʻeiki ko ʻĒselá mo e kakaí koeʻuhí naʻe mali ʻa e niʻihi mo e kau muli, ʻa ia ko ha meʻa ʻoku ʻikai finangalo ki ai ʻa Sihova

• Luke 22:​54-62—ʻOku loto-mamahi lahi ʻa e ʻapositolo ko Pitá koeʻuhi ko ʻene ongoʻi halaia hili ʻene fakafisingaʻi tuʻo tolu ʻa Sīsū

Konga Tohi Tapu fakafiemālie:

• Saame 32:5; 103:​9-14; ʻAi. 1:18; Ngā. 3:19

• Sio foki ki he ʻAi. 38:17; Mai. 7:​18, 19

Talanoa Fakatohitapu fakafiemālie:

• 2 Kal. 33:​9-13, 15, 16—Ko Manase ʻa e taha ʻo e ngaahi tuʻi kovi taha ʻo Siutá; neongo ia, ʻokú ne fakatomala pea ʻoku fakahaaʻi ange kiate ia ʻa e mēsí

• Luke 15:​11-32—ʻOku lave ʻa Sīsū ki he talanoa fakatātā ʻo e foha molé ke fakatātaaʻiʻaki ʻa e fakamolemole loto-lelei mo kakato ʻa Sihová

Talanoa Fakatohitapu mahuʻinga:

• 2 Tuʻi 20:​1-3—Ko Tuʻi Hesekaia ʻokú ne tangi lahi koeʻuhi ko ha mahaki fakatupu mate

• Fil. 2:​25-30—ʻOku loto-mafasia ʻa ʻEpafalotaito koeʻuhí naʻe fanongo ʻa e fakatahaʻangá naʻá ne puke pea naʻá ne hohaʻa foki naʻa nau pehē ʻoku ʻikai malava ke ne fakahoko hono vāhenga-ngāué

Konga Tohi Tapu fakafiemālie:

• Saame 92:​12-14; ʻAi. 40:​29-31; 46:4; 2 Kol. 8:12

Talanoa Fakatohitapu fakafiemālie:

• 2 Sām. 17:​27-29; 19:​31-38—ʻOku fakamahuʻingaʻi lahi ʻaupito ʻa e tokotaha mateaki ko Pāsiliaí, ka ʻokú ne fakafisingaʻi anga-fakanānā ha vāhenga-ngāue ʻokú ne ongoʻi ʻoku fuʻu lahi kiate ia koeʻuhi ko hono taʻumotuʻá

• Saame 41:​1-3, 12—Neongo ʻoku puke lahi ʻa Tuʻi Tēvita, ʻokú ne falala kia Sihova ke ne poupouʻi ia

• Mk. 12:​41-44—ʻOku fakahīkihikiʻi ʻe Sīsū ha uitou masiva ki heʻene tokoní koeʻuhí ʻokú ne foaki ʻa e kotoa ʻokú ne maʻú