FEHUʻI 1
Ko hai ʻa e ʻOtuá?
“ʻOfa ke ʻilo ʻe he kakaí ko koe, ʻa ia ko ho huafá ko Sihova, ko koe pē toko taha ʻa e Fungani Māʻolunga ʻi he māmaní kotoa.”
“Mou ʻilo ko Sihova pē ʻa e ʻOtuá. Ko ia ʻa e tokotaha naʻá ne ngaohi kitautolú, pea ʻoku ʻaʻana kitautolu.”
“Ko au Sihova. Ko hoku hingoá ia; ʻoku ʻikai te u ʻoange ʻa hoku lāngilangí ki ha toe taha kehe, pe ko hoku fakahīkihikí ki ha ngaahi ʻīmisi kuo tongi.”
“Ko e tokotaha kotoa pē ʻoku ui ki he huafa ʻo Sihová ʻe fakahaofi.”
“Ko e moʻoni, ko e fale kotoa pē ʻoku langa ia ʻe ha taha, ka ko e tokotaha naʻá ne ngaohi ʻa e ngaahi meʻa kotoa pē ko e ʻOtuá.”
“Hanga hake homou matá ki he langí pea vakai. Ko hai kuó ne fakatupu ʻa e ngaahi meʻá ni? Ko e Tokotaha ia ʻokú ne ʻomi ʻa honau kongakaú ʻi honau tokolahí; ʻokú ne ui kinautolu kotoa ʻaki honau hingoá. Koeʻuhí ko e lahi ʻo hono fuʻu iví mo hono mālohi fakaofó, ʻoku ʻikai ha taha ʻo kinautolu ʻe tō.”