FEHUʻI 2
ʻE lava fēfē ke ke ako ʻo fekauʻaki mo e ʻOtuá?
“Ko e tohi ko eni ʻo e Laó ʻe ʻikai mavahe ia mei ho ngutú, pea kuo pau ke ke lau leʻo-siʻi ia ʻi he ʻaho mo e pō, koeʻuhí ke ke tokanga ke tauhi ʻa e meʻa kotoa pē ʻoku hiki ʻi aí; he ʻe toki lavameʻa ai ho halá pea te ke toki fai fakapotopoto ai.”
“Naʻe hokohoko atu ʻenau lau leʻo-lahi ʻa e tohí, ʻa e Lao ʻa e ʻOtua moʻoní, ʻo fakamatalaʻi māʻalaʻala ia mo fakahaaʻi ʻa hono ʻuhingá; ko ia naʻa nau tokoniʻi ai ʻa e kakaí ke mahino kiate kinautolu ʻa e meʻa naʻe laú.”
“Fiefia ē ka ko e tangata ʻoku ʻikai te ne ʻaʻeva ʻo fakatatau ki he faleʻi ʻa e kau fulikivanú . . . , ka ko ʻene fiefiá ʻoku ʻi he lao ʻa Sihová, pea ʻokú ne lau leʻo-siʻi ʻa ʻEne laó ʻi he ʻaho mo e pō. . . . Ko e meʻa kotoa pē ʻokú ne faí ʻe lavameʻa.”
“Naʻe lele atu ʻa Filipe ʻi he tafaʻakí ʻo ne fanongo ki heʻene lau leʻo-lahi ʻa e tohi ʻa ʻAisea ko e palōfitá, pea naʻá ne pehē: ‘ʻOkú ke ʻiloʻi moʻoni ʻa e meʻa ʻokú ke laú?’ Naʻá ne pehē ange: ‘ʻE lava fēfē ke faifai ange peá u ʻiloʻi ʻo ka ʻikai ʻi ai ha taha ke ne tataki au?’”
“Ko hono ngaahi anga ʻoku taʻehāmaí, ʻa hono mālohi taʻengatá mo hono tuʻunga ʻOtuá, ʻoku hā mahino mai ia mei hono fakatupu ʻo e māmaní ʻo faai mai, koeʻuhi ʻoku ʻiloʻi ia ʻi he ngaahi meʻa kuo ngaohí, ko ia ʻoku ʻikai ai hanau kalofanga.”
“Fakakaukauloto ki he ngaahi meʻá ni; nōfoʻi ʻiate kinautolu, koeʻuhi ke hoko ai hoʻo laka ki muʻá ʻo hā mahino atu ki he kakai kotoa.”
“Tuku ke tau fetokangaʻaki koeʻuhi ke fakaʻaiʻai ai kitautolu ki he ʻofá mo e ngaahi ngāue leleí, ʻo ʻoua ʻe liʻaki ʻa ʻetau fakataha fakatahatahá.”
“Kapau ʻoku ʻi ai ha taha ʻo kimoutolu ʻoku masiva ʻi he potó, tuku ke ne hanganaki kole ki he ʻOtuá, he ʻokú ne foaki nima-homo ki he faʻahinga kotoa ʻo ʻikai te ne ʻoatu mo e lau, pea ʻe foaki ia kiate ia.”